Allen den ghenen (et)c(etera) h(er) jan van donghelb(er)ghe prieste(r) canonck tons(er)/ liev(er) vrouwen te maestricht heeft ghestelt gheconstitueert ghestelt ende/ gheordineert ende mids des(en) l(ette)ren constitueert stelt ende ordineert sijne(n) p(ro)cur(eur)/ en(de) voirganghe(r) willem(me) van donghelb(er)ghe sijne(n) brueder in allen sijne(n) saken/ gheschillen ende bederve(n) die hij nu uutstaen(de) heeft oft naemaels uutstaen(de)/ hebben sal moghen in aenlegg(er)s oft verwerders stad hoedanich die sijn/ Gheven(de) ende verlenen(de) de voirg(enoemde) constitueerder den voirs(creven) sijne(n) brueder/ ende p(ro)cur(eur) volcomen macht auctoriteyt ende sunderling beveel alle/ de selve saken met rechte te verwae(re)n te bescudden te vervolghen [en(de)] te bedinge(n)/ tallen plaetssen ende voir alle(n) gherichten en(de) teghen eene(n)yeghelijken dair/ des behoeven sal moghen en(de) te doen wesen Ende desgelijx om alle des/ voirs(creven) constitueerd(er)s chijsen rinten pachten lijft(ochten) vervallen ende ande(re) sculde(n)/ dieme(n) hem nu schuld(ich) es oft naemaels wesen sal te manen teyssche(n) opte/ bue(re)n ende tontfanghe(n) den schulde(re)n van sijne(n) ontfanghe quijt te scelde(n)/ en(de) quitan(cie) te gheven daghe ende respijt vanden ande(re)n te verleenen/ dair voe(r) te panden(e) te daghen(e) ende rastamente te doen legghen compositie/ en(de) mynlijke yffeninghe dair af te maken(e) scep(enen) br(ieven) te vo(n)nissen ende die texeque(re)n/ De selve chijse rinten pachte(n) lijft(ochten) vervalle(n) ende schulden met rechte teyssche(n)/ en(de) te vervolghen die te wynne(n) ende te verliesen ghetuyghe(n) ofts behoeft/ te leyden der wederp(ar)tyen ghetuyghe(n) te sien swe(re)n te replice(re)n te duplice(re)n/ alsoe wael int p(ri)ncipael als int accessoir alsoe dicwijle ende menichwerve(n)/ als des te doen sijn sal Ende alle pointen en(de) ar(ticu)[len] van rechte d(air) toe te vorde(re)n/ die nae recht oft costume vand(er) plaetssen dair dat ghebuert behoe(re)n moghen/ ende den voirs(creven) p(ro)cur(eur) orberlick duncken sal Ende voert g(e)n(er)alick alle tgene/ d(air) inne te doene (et)c(etera) P(ro)mitt(ens) rat(um) [renu(n)c(ians)] cum (com)puta(ci)[o(n)e] et revocac(i)o(n)e cor(am) ouderogghe/ burg(imagistr)[o] vos heykens scab(inis) junii xv[ta]