Item also alse een deylinghe geschied zijnde voer scepen(en) van lov(en)/ tusschen denijse laukens lijsbetten willemair zijnre huysvrouwe(n)/ dochter vrancks wilen willemair vanden iersten bedde pete(re)n/ vanden zande lijsbetten vander heyden zijnd(er) huysvrouwen docht(er)/ wilen jans die hij hadde van g(er)truyden wilen willemaer/ oic dochter svoirs(creven) wilen vrancx vanden iersten bedde ende/ vrancken willemair soen wilen vrancx soons des voirs(creven) wilen/ vrancx dien hij hadde van margrieten wilen van buetsele/ zijnder huysvrouwen ter eenre romboute willemaer den/ jonghen lijsbetten van berlair zijnen wive dochter rombouts/ van berlair vrancken en(de) margrieten van berlair kynde(re) des/ voirs(creven) rombouts en(de) wilen margrieten reymairs zijns wijfs/ ter ande(r) zijden Alse vanden goeden tsijzen ende erfpachten/ die hen bleven zijn na de doot des voirs(creven) wilen vrancx wilemaer/ en(de) wilen lijsbetten vanden bossche zijns tweeste wijfs de/ welke zij tsamen vercregen hebben ende den vors(creven) denijse/ laukens lijsbetten zijnen wive pet(ere)n vanden zande lijsbetten zinen/ wive ende vrancken willemair in heurer deylinghen onder/ meer ande(re) goede tsijze ende rinten gevallen zijn de goede/ hier na bescreven Te weten ierst huys ende hoff met/ allen den toebehoirten dat toe te behoiren plach den kynde(re)n/ rogs gelegen inde coestrate tusschen de goede der kynde(re)n/ peters wilen van voshem ter eenre en(de) thuys dair de voirs(creven)/ wilen vranck uut starf ende inne te woenen plach t(er) ande(r)/ zijden streckende achterw(er)t tot aende goede vrancx h(er)meys/ op eenen schellinc en(de) twee capuyne outs tsijs Item/ huys ende hoff met der toebehoirten gelegen tusschen tvors(creven)/ huys dair de voirs(creven) vranck uut starff ter eenre en(de) de goede/ die toetebehoiren plaghen henricke vanden putte nu toebehoiren(de)/ katlinen moelenplas weduwe des voirs(creven) wilen vrancx t(er) ande(r)/ zijden op eenen pe(n)ning borsghelts It(em) drie huyse met den/ hove gelegen inde rameysstrate tusschen de goede der vors(creven)/ katlinen moelenplas ter eenre ende den hof die den voirs(creven)/ kynde(re)n van berlair in deylinghen gevallen es ter ande(re) ende/ de strate aldair ter derder zijden streckende achterw(er)t tot aende/ goede svors(creven) vrancx h(er)meys op eenen pe(n)ning borsghelts/ gelijc alle de voirs(creven) goede van malcande(re)n met zeke(re)n palen
//
ende teekenen verscheiden zijn Ende den voirs(creven) kynde(re)n van/ berlair in heurer deylinghen onder meer ande(re) goede tsijze/ en(de) erfpachten gevallen zijn de goede hier na bescr(even) Te/ weten huys ende hof met allen zijnre toebehoirten also breed/ als tselve huys met der coekenen en(de) weghe aldair es gelegen/ inde coestrate dair inne de voirs(creven) wilen vranck te woenen/ plach en(de) dair hij uut starff tusschen de goede die den vors(creven)/ denijse laukens met zijnen medeplege(re)n in heurer deylingen/ gevallen zijn aen beide zijden strecken(de) achterw(er)t tot den goeden/ vrancx h(er)meys gelijc tselve huys ende hof vanden ande(re)n/ goeden voirscr(even) verscheiden es op vier schellinge lovensche/ en(de) vier capuyne outs tsijs Soe es vorwerde en(de)/tusschen [hebben] de voirs(creven) p(ar)tien [malcande(re)n gelooft voer hen en(de) heuren nacomelinghen te weten de vors(creven) vranc willemair met consente en(de) ten bijsijne jans willemairs zijns neven va(n) svvo svad(er)s weghen en(de) jans en(de) willems van buetsele zijnder oems vander moeder weghen en(de) de voirs(creven) vranck en(de) margriete van berlair te voe(re)n in desen uut den broode des vors(creven) rombouts heure vaders behoirlic gedaen en(de) met volcomenen (con)sente desselfs heurs vaders tot eeuwighen daghen tond(er)houden en(de) tacht(er)volgen de (con)dicien en(de) vorwerden hier na bescr(even) Te weten] dat elck zijnen oesyendrup van/ zijnen erve hebben sal tot eeuwighen daghen zomen dien/ na recht behoirt te hebben en(de) tot h(ier)toe gehadt heeft Voirt/ es vorwerde ende hebben gelooft de voirs(creven) partien malc den/ ande(re)n oftmen bevonde dat uut den voirs(creven) huyse en(de) hove/ gelegen naist den voirs(creven) huyse dair de voirs(creven) wilen vranc/ uut starf en(de) den huyse henricx wilen vanden putte nu/ toebehoiren(de) der voirs(creven) katlinen moelenplas en(de) oic uut den/ drie huyskens ende hove gelegen inde rameysstrate vorscr(even)/ e(n)nighe tsijze meer ghinghen dan voirscr(even) steet dat die/ tsijze draghen sullen te gelike tot eeuwighen daghen tselve/ huys en(de) hof dair de voirs(creven) wilen vranck inne woende ende/ uut starf en(de) thuys en(de) hoff voirs(creven) vercreghen teghen de/ kynde(re) rogs gelegen tusschen tvoirs(creven) huys ende thuys der/ kynde(re) wilen peters van voshem ende dander erve voirscr(even) d(air)af lossen/ Ende desgelijcx wairt tsake dat e(n)nich van hen voirder/ gepraempt wordde vanden voirs(creven) tsijze uut den vors(creven) huyse/ dair de voirs(creven) wilen vranck uut starf en(de) uut den ande(re)n/ huyse dair naest gelegen vercregen tegen de kynde(re) rogs vors(creven)/ dan elck van zijnder quoten gelijc voirscr(even) steet en(de) de vors(creven)/ deylinghen uutwisen dat zij dairaff malcanders erve/ ontlasten sullen Ende om te meerder vesticheit van [all] des/
//
voirscr(even) steet malcande(re)n te doene heeft elc der voirs(creven) p(ar)tien deen/ der ande(re) heur voirs(creven) erve dair voer tonderpande gesett ende/ verobligeert met consente tshe(re)n vanden gronde ende/ hebben gelooft dairaf malcande(re)n genoech te doen alsoe dat/ hen vast ende seker sal moegen wesen tot eeuwigen dagen/ Hebben voirt gelooft malcande(re)n oftmen e(n)nighe goede/ meer bevonde dan voirscr(even) staen van des(en) natue(re)n zijnde/ vercregen tusschen den voirs(creven) wilen vrancken en(de)/ zijnen tweesten wive ongede[e]lt zijnde dat zij die/ in twee geliken deelen deilen sullen en(de) all des voirscr(even)/ steet zonder argelist Cor(am) eisdem