It(em) jan vander biest molde(r) ende katlijne sdeckers zijn wijf weduwe/ jans wilen wynckeldey in p(rese)ncia (et)c(etera) hebben gekindt ende gelijtt/ dat zij openbairlic overgegeven hebben en(de) met des(en) tegewordige(n)/ l(ette)ren overgeven servaese g(er)truyden katlijnen ende m(ar)grieten/ wynckeldey kynde(re)n der voirs(creven) katlijnen die zij behouden heeft/ vanden voirs(creven) wilen janne wynckeldey heuren iersten ma(n)ne/ alle alsulken haeflike goede en(de) vliegen(de) erve alse bleven zijn/ na de doot desselfs wilen jans wynckeldey heurs vaders/ met gaders allen den haefliken goeden en(de) vliegen(de) erve die de/ voirs(creven) katline sdeck(er)s moeder der selver kynde(re) opten dach van/ heden houden(de) en(de) bezittende es met wat name die genoemt/ moegen wesen oft te wat plaetsen zij gelegen oft te bevi(n)den/ zijn met gaders oic den selven haefliken goeden die na der/ selver moeder doot bliven zullen Om de selve goede alle en(de)/ yegewelke taenveerdene te possesse(re)n en(de) te hantplichtene als heur/ ande(r) p(ro)per goede en(de) heuren vryen wille dair mede doen het zij/ die te v(er)copene ewech te maken oft and(er)ssins te dispone(re)n dairt/ hen gelieven zall Geloven(de) de selve gehuyschen den voirg(enoemde)/ kynde(re)n noch oic den ghenen die de selve goede na hen doot ae(n)verden/ zullen uut saken van dien ne(m)mermeer aen te spreken te moeyen noch/ te vexe(re)n in gheenen rechte gheestelic oft weerlic bij hen selven/ of yeman(de) anders in e(n)nigher manie(re)n Ende voer thgene des vors(creven)/ es hebben de voirs(creven) s(er)vaes g(er)truyt katlijne en(de) margriete jan/ van bynckem wettich man der voirs(creven) g(er)truyden en(de) henric vand(er)/ biest wettich man der voirs(creven) katlijnen tot heuren laste ov(er)ge/ nomen van nu voirtaen te gelden te draghene ende te betalen/ den eenen ryde(r) lijfpensien van dien twee peters lijftochten/ die peter potent tot zeke(re)n liven tande(re)n tijden gecocht ende/ gecregen heeft tegen den voirs(creven) janne vander biest en(de) katlijne(n)/ zijnen wive met zek(ere)n ande(re)n p(er)sonen die zij d(air)voe(r) te laste gestelt/ hebben gelijc de scepen(en) brieve van loeven dair op gemaict dat / uutwisen ende begripen en(de) dairaf gelooft den selve(n) gehuysche(n) en(de) heuren borghen en(de) elken van hen bizundert o(n)gepraemt o(n)belast/ en(de) ombeschedicht te houden met allen costen schaden en(de) lasten die/ de selve gehuyschen en(de) heur borghen oft e(n)nich van hen uut ocsuyne/ van dien selven eenen ryde(r) souden moegen hebben oft liden/ in e(n)nig(er) manie(re)n het wa(r)e voe(r) de jairlijcsche betalinghe voe(r) de/ bewijssenisse of principael pe(n)ninghe der selver Cor(am) / roelants berg(hen) aug(usti) xxix