It(em) also als j ten vervolghe jans van borre die alse p(ro)cureur jans van/ lare geleidt es na den rechte der stad van loeven tot allen overmids/ vo(n)niss(en) van scepen(en) brieven van loeven gepasseert int jair xiiii[c] lix/ en(de) spreken(de) van eenen ryder te xxv(½) stuv(er)s lijftochten tot allen/ den goeden jans en(de) mathijs wilen elzenbijl gebruede(re)n en(de) gords/ wilen van kerckem gescr(even) es geweest vander stad weghen van/ loeven aen den meye(re)n van herent of zijnen stadhuld(ere) te ned(er)ijsche/ en(de) den meye(re) vander loonbeken oft zijnen stedehoude(re) hem alle de/ vors(creven) goede te leve(re)n en(de) te doen volghen Ende oft de weduwen/ der voirs(creven) p(er)sonen oft heur kynde(re) of erfgenamen tegen den/ vors(creven) beleide of scepen(en) brieven tegen den vors(creven) beleide en(de)/ scepen(en) brieve yet allege(re)n wilden dat zij des tot eenen zek(ere)n/ daghe op heden dienende alhier te rechte quamen (et)c(etera) aldair zij/ noch nyeman van heuren weghen comen en zijn den vors(creven) geleidde(n)/ zijnen dach verwachtende en(de) trecht versueckende Doende oic/ blijcken dex c(er)tificacie vander execucien bijden vors(creven) officiers
//
gedaen So hebben de scepen(en) van loeven ter manissen tsmeyers gewijst/ voer een vo(n)nisse Soe verre svors(creven) geleidden wed(er)p(ar)tie niet en quame ten/ opstaene tsmeyers en(de) van hen datmen hem dan vanden vors(creven) goeden/ houden zall in zijnen beleide tot zijnder wettig(er) geverificeerder/ gebreke behoef also verre alst noch voer hen comen es Cor(am)/ eisdem/ Hier na volghen de goede onder den meye(r) van he(re)nt tot/ nederijssche geleghen/ Ierst een scrijnhouten scapree ii zwerte ketels ii cope(re)n pannen/ een ha(n)gentyser eenen hael een tanghe eenen roest(er) ii bedden met den/ coetsen eenen zwerten wyden rock een zwerte hoycke eenen/ gedraeyden zetel een langhe zydele een banck een moelge/ een scermsel eenen desch viii zittecussene iiii oercussene ii/ sargien ii paer slapelakene ii drivoeten een moele(n) een roet/ coffer It(em) een boender hoofs met den huysen en(de) stalle/ dair toe behoiren(de) en(de) een vercken/ Hier na volghen de goede onder loenbeken gelegen/ Ierst eenen scrijnhouten amar(ijs) een zybecken iii cope(re)n pannen ii/ witte ketels iii tynnen scotelen ii co(m)mekens een dobbelier ii/ pannebeckene eenen eerenpot? ii zwerte ketels iii yse(re)n pannen/ een scij scrijne een cleyn scrijnken eenen desch ii drivoeten eenen/ wijnpot eenen tynnen kandele(re) een latoenen kendele(re) eenen hael een/ tanghe een hangentyser ii roest(er)s Ende een huys gelegen/ ter loenbeken met den hove d(air)toe behoirende