It(em) vanden stoete die es tusschen arnde vander horst inden name/ van jacoppen vander horst zijnen sone in zijnen broode ende buyten/ lants zijnde dien de selve arnd hier inne gelooft heeft te/ vervaene in deen zijde en(de) roelove lambrechts scrij(n)make(r) in/ dande(re) Alse van eender [steynender] schouwen die de voirs(creven) jacob staende/ heeft tuschen heurer beider erve en(de) desgelijcx vanden huysen/ desselfs jacobs streckende vander selver schouwen achtewairt/ die de voirs(creven) roelofs meynd dat hem te nae staen en(de) des dien/ aencleeft Hebben hen de selve p(ar)tien gesubmitteert inde/ gesworen stadmeest(ere)n van loeven(e) die informacie van beiden/ p(ar)tien beide met brieven en(de) levend(er) wairheit op dat hen gelieft/ aenhoiren selen bynnen viii daghen naistcomen(de) en(de) heur uutsprake/ dairaf doen bynnen xiiii nachten dair nae volgende P(ro)mitt(entes)/ rat(um) Cor(am) roelofs vos sept(embris) ix