Achtervolgen(de) den vo(n)nisse der scepen(en) van loeven(e) gegeve(n)/ iiii m(ar)cii lestleden staende geregistreert onder hanckaert/ tusschen cornielijse van calcken als procur(eur) claes van/ lynt aenlegger ter eenre en(de) eduwarde cruyplant/ verweerde(r) ter ande(r) zijden dair de selve procur(eur)/ tendeerde te comen(e) totter eend(er) helicht vanden/ erfliken goeden ende oick vanden vliegen(d)erve gebleve(n)/ nae de doot jouffr(ouwen) marien wilen stroebants wettige/ weerdinne sanders wilen van oerbeke gemerct/ dat die goeden mair twee zijden en hadden d(air)af/ de voirs(creven) claes zijn meester de naestlevende was vand(er)/ eend(er) zijden alsoe hij sustineerde De wederp(ar)tie/ houden(de) dat tot den selven clase vand(er) selver zijden/ noch eene was des soe nae zijnde als hij te weten(e)/ de jouffr(ouwe) vand(er) roven die van hue(re)n gedeelte mits/ seke(re)n legate dat zij wech hadde gecontenteert was/ In welcker saken nae aenspraken verantwerden en(de)/ thoenisse van beyden p(ar)tien vo(n)nislijc gewesen wert/ geliefde den aenlegger te volgen e(n)nich recht oft/ actie vanden gedeelte dier vander roven dat/ hij hem soe starck maecte dat hij dat volchde/ met rechte dair ende soe dat behoirde Sijn/ in rechte inde banc voir meye(r) ende scepen(en) van/ loeven(e) gecompareert de voir(screven) partien Aldair/ de voirs(creven) procur(eur) ierst bij monde opgedaen heeft/ en(de) doen verhalen trecht en(de) diverse eysschen ende/ gebreken die hij seyde te hebben(e) totten goeden chijsen/ rinte(n) pachten ende oick vliegen(d)erve van en(de) nae/ der voirs(creven) jouffr(ouwen) marien sanders wive gebleven sond(er)/ achtervolgen(de) den voirs(creven) vo(n)nisse e(n)nige machticheyt te/ thoene(n) dier vand(er) roven voirs(creven) en(de) eduwart mids/ der menichfuldich(eyt) der selver begheert heeft die in/ gescrifte over te hebben om d(air)op te antwerden Dwelc/ alsoe hen in wed(er)ssijde geconsenteert wert ende oick/ copie dair uut om d(air)op voirts met gescrifte zijne/ antwerde over te geven en(de) al inde banck voir meye(r)/ ende scepen(en) voirs(creven) naevolgen(de) den welcken zij dat alsoe/ hebben geacht(er)volcht Van welcken gescriften bij/ beyde den p(ar)tien voirs(creven) overgegeve(n) de tenue(re) hier nae
//
volgt Ende ierst des voirs(creven) aenleggers yerste cedulle/ van eyssche Om naevolgen(de) uwer wijser/ hee(re)n scepen(en) van loeven(e) vo(n)nisse(n) onlancx gegeve(n) inde/ banck alhier tusschen cornielijse van calcken als procur(eur)/ claes van lint aenlegg(er) ter eend(er) ende edewarde/ cruyplant verweerde(r) ter ande(r) zijden en(de) genoech te/ zijne ende [die] te voldoen(e) Soe gheeft over de selve procur(eur)/ de stucken en(de) p(or)cheelen vand(en) erfgoeden en(de) rinten/ gebleven nae de doot jouffr(ouwen) marien stroobants en(de)/ sanders wilen van oerbeke huers mans In welcke/ p(or)cheelen de selve procur(eur) inden name soe hij ageert/ hoept ende meynt gericht te zijne int vie(re)ndeel van/ allen den selve(n) goeden soe verre het aengaet der/ zijden der voirscr(even) jouffr(ouwen) stroebants van huers vaders/ wege(n) Ende i inden yersten een huys met/ sijnd(er) toebehoirte(n) gelegen inde ledichstrate geheeten/ den cleynen horen bij de veemerct tusschen thoechuys/ desselfs wilen sanders ende jans van rillaer In/ welcke huys de selve wilen sander gegoet wert/ int jaer lxvi nove(m)br(is) xvii ii Item een huys/ met zijnder toebehoirten gelegen opde veemerct/ achter den hoeck tegen den putte over ald(air) dwelck/ sander gecreech a(nn)[o] xiiii[c] lviii januar(ii) xxii iii/ Item een vie(re)ndeel wijngarts gelegen te hev(er)le op/ dlangvelt vercrege(n) a(nn)o lxxiii xx octobr(is) iiii Item/ twee huyse metten hove en(de) ande(re)n toebehoirte(n) geleg(en)/ inde ledichstrate tussche(n) de goede meest(er) jans lobbe/ in drie zijden vercrege(n) bij sande(re)n a(nn)o xiiii[c] xxxix/ junii xii v Item vi[½] crone(n) erfliker rinten/ aen en(de) op twee stucken beemps geleg(en) boven/ de vesten van arschot vallen(de) sinte mertensmesse/ vercrege(n) a(nn)[o] xiiii[c] lviii nove(m)br(is) viii vi Item/ eene(n) halve(n) wil(he)lm[(us)] scilt erflijc op een huys/ henricx de hollande(re) gelegen inden langenbruel vercreg(en)/ a(nn)[o] xiiii[c] lxii januar(ii) v[ta] vii Item v s(chellingen) ouder/ gr(oten) tournois(en) erfliker rinte(n) op de stad van thienen/ den welcken de voirscr(even) sande(re)n toequame(n) ter tijt/ dat hij metter voirscr(even) jouffr(ouwen) marien in huwelike/ was te weten(e) a(nn)[o] xiiii[c] lxiiii julii xiiii viii
//
Item ix rijders erfliker rinten aen en(de) op seke(re) goede te/ libbeke gelegen d(air)af den voirs(creven) sande(re)n en(de) sijnder/ huysvrouwen en(de) erfgename(n) waerscap gelooft wert/ en(de) genoech doen dwelck geschiedde xiiii[c] lxiiii/ xix aprilis ix Item eene halve crone erfliker/ rinten die sander vercregen heeft op een huys gelegen/ opden hoeck vander veemerct vander daet xiiii[c]/ lxvii xxix januar(ii) x Item ii pet(er)s erflijker/ rinten op drie huysen in sinte qui(n)tens strate strecken(de)/ tot aen tpercstraetken vercregen xiiii[c] lxxv ap(ri)lis/ xi xi Item eene(n) peter erflijck op een huys aen/ de binne(n) dorpstraet porte vercregen bij sanderen xiii[c]/ lxxiii julii v xii Item diverse cleyne chijse/ begrepen in eene(n) scepen(en) brief van loeven(e) Vanden/ welcken sande(re)n waerscap en(de) genoechdoen gedaen wert/ a(nn)[o] lx xiiii[c] lxix aprilis xvii xiii Item x crone(n)/ te xxiiii stuv(er)s erfliker rinten aen ende op de stad/ van loeven(e) vercrege(n) a(nn)[o] xiiii[c] lxxii p(ri)ma junii xiiii Item/ xii ryns guld(en) erfliker rinten aen en(de) op roelove van/ berthem ende sijnder huysvrouwen vercregen bij sande(re)n/ en(de) sijnder huysvrouwen a(nn)[o] lxxv januar(ii) viii xv Item/ ii ryns guld(en) erflijck aen ende op een huys en(de) hoff/ jans van herent gelegen te hove ter beke vercregen/ a(nn)[o] lxxiii febr(uarii) p(ri)ma xvi Item noch eene halve/ crone erfliker rinte(n) die sander vercrege(n) heeft op/ den grooten horen gelegen opden hoec vand(er) veemerct/ vander daet xiiii[c] lxvii januar(ii) xxix d(air)af gelijck/ vo(r)e de wederhelicht vercrege(n) is xvii Item drie/ mudden rocx erfs pachts aen en(de) op seke(re) eygen goede(n)/ te veertrijcke vercrege(n) lxii julii xiiii xviii Item/ xxv roeden wijngarts gelegen te heverle opden/ vogelsanck Welcken wijngart jouffr(ouwe) wilen/ stroebants voirscr(even) gecreech voe(r) en(de) eer den huwelijc/ tusschen sande(re)n en(de) huer gesciedde Waer om/ de procur(eur) inden name als vo(r)e niet wederstaen(de)/ den voirs(creven) prohemiu(m) den voirscr(even) en(de) naevolgen(de) articule(n)/ aengaen(de) hoept ende meynt gericht te zijne inde/ helicht vanden selven Welck vercrijch geschiedde
//
a(nn)[o] xxxvii aprilis xi xix Item want int coffer/ dair inne derfbrieven vand(en) voirs(creven) erfgoeden en(de) rinte(n)/ liggen men bevonden heeft en(de) dagelicx bevint/ een franchijne(n) rolleken vand(en) chijse wilen toebeho(r)ende/ ja(n)ne stroebants der voirs(creven) jouffr(ouwen) marien vader Soe/ begheert de procur(eur) dat hem dat ombelet volgen/ mochte xx Item ii rinssche guld(en) erfliker/ rinten aen ende op willem(me) pierarts ende sijnen/ borge(n) vercrege(n) bij sande(re)n en(de) sijnder huysvrouwen/ a(n)no lxix nove(m)br(is) iiii xxi Item twee guld(en)/ saluyte erflijc vercrege(n) bijde voirs(creven) gehuysschen op/ gielijse bodar en(de) zijn borge(n) a(nn)[o] lxxii januar(ii) xxvii/ xxii Item ii rijders erfliker rinten die de voirs(creven)/ gehuysschen vercregen op pauwelse van ijssche en(de)/ sijne(n) borgen a(nn)[o] lxxi nove(m)br(is) xxv xxiii Item/ ii crone(n) erflijck vercrege(n) als vo(r)e op janne van/ huldenberghe en(de) sijne(n) borge(n) a(nn)[o] lxxiii febr(uarii) ix xxiiii Item/ iii crone(n) erflijck vercrege(n) als vo(r)e op anthonijse/ van wechlen den jongen en(de) zijn borgen a(nn)[o] lxxiii/ julii xxix xxv Item ii rinssche erflijck als/ vo(re) vercrege(n) op willem(me) maes ende zijn borgen a(nn)[o]/ lxxiii ap(ri)lis iiii[ta] xxvi Item iiii crone(n) alle ja(r)e/ erfliker rinte(n) die weyn van ophem ende meer ande(re)/ den voirs(creven) sande(re)n ende sijnder huysvrouwe(n) sculdich wa(r)en/ en(de) nu hue(re)n erfgenamen vercrege(n) a(nn)[o] lxxii/ augusti iii xxvii Item aengaen(de) den vliegen(d)erve/ alnoch tusschen de voirscr(even) p(ar)tien ongedeylt zijnde/ te weten(e) twee vergulden(en) gordels ii(½) dossijne/ sittencussen(e) een harde coetse van iii ellen breet/ Soe beg(eer)t ende versuect de voirs(creven) procur(eur) dat/ dat metten ande(re)n datmen alnoch sal moegen/ vinden gedeylt worde alsoe dat behoirt Met/ p(ro)testacie(n) nochtans soe verre men namaels e(n)nige/ erfgoede oft rinte(n) en(de) vliegen(d)erve bevonde oft/ bevinden mochte hoedanich die ware(n) Datmen/ die altijt ter deylingen sal bringe(n) alsoe dat nae/ den lantrechte beho(r)en sal Dits des/ voirs(creven) aenleggers tweeste cedulle van eyssche
//
Dit zijn de goeden en(de) erflike rinte(n) die de p(ro)cur(eur) claes/ van lint in gescrifte overgheeft boven de goeden ende/ rinte(n) die hij overgegeve(n) heeft (et)c(etera) i Inden yerste(n)/ acht mudd(en) rocx jaerlicx erflicx staen(de) op een winhoff/ te nederyssche gelege(n) toebeho(r)ende ja(n)ne vand(er) borch/ ii Item twee crone(n) jaerlicx erflicx staen(de) op twee/ huysen taerschot gelege(n) iii Item twee rijders/ erflijc die her pet(er) van yssche prochiaen te butsele/ betaelt gelijc dese voirs(creven) rinte inden testame(n)te wilen/ sanders van oerbeke merckelijc vercleert sijn daers hem/ de voirs(creven) procur(eur) toe gedraecht iiii item twee ryns/ guld(en) jaerlicx erflicx staende op een huys naest den/ salm gelege(n) binnen loeven(e) opde veemerct v Item/ eene(n) rijd(er) erflijc op een huys geheete(n) den groote(n) horen/ dair sanders van oerbeke in te woene(n) plach van welcken/ rijd(er) wout(er) van berthem sijn tocht afgegaen is (et)c(etera)/ vi Item eene(n) pet(er) erflijc van gronde dair sanders/ eene(n) pet(er) op heeft gelijc dat cleerlijc blijct bij eenen/ scepen(en) brieve vander daet xiiii[c] lxiiii mensis nove(m)br(is)/ die xii[a] vii Item eene(n) erfbrief van seke(re)n/ cheynsen d(air) inne gegoet is de meye(r) van bout(er)shem/ die sanders te pande heeft vand(er) daet xiiii[c] xlv/ mensis julii die vii viii Item want de/ voirs(creven) procur(eur) engheen(e) informacie volcomelic alnoch/ en heeft noch oick gecrige(n) en can om mett(er) deugdeliker/ waerheit in gescrifte over te geven(e) alle de goeden en(de)/ rinte(n) hoedanich die sijn gebleven nae der aflivich(eit) wile(n)/ sanders van oerbeke en(de) jouffr(ouwen) marie(n) stroebants wettich/ man en(de) wijf Versuect en(de) begheert de selve procur(eur)/ dat eduwart cruyplant hem overgheve alsulcken buexken/ als hij onder heeft dair inne gescreve(n) staen alle de/ goeden en(de) rinte(n) die de selve gehuysschen tsamen/ gehadt hebben oft ten minsten copie d(air) af want/ eduwart voirs(creven) dat selve buexken bevonden heeft/ int sterfhuys wile(n) sanders en(de) jouffr(ouwen) marie(n) voirs(creven)/ quare (et)c(etera) Hier nae volgt dierste cedulle/ vand(en) verantwerd(en) des verweerders Om/ int cortte te antwerden op alsulcken overgegeven(en)/ gescriften als cornielijs van calcken procur(eur) claes van/ lynt naevolgen(de) den vo(n)nisse der hee(re)n scepen(en) van loeven(e)
//
in manie(re)n oft hij in dien den selven vo(n)nisse soude/ willen acht(er)volgen overgegeve(n) heeft Seet de selve/ eduwart des hier nae volgt i Ende yerst/ op tprohemiu(m) vand(en) selven d(air) de voirs(creven) cornielijs/ seet dat hij hoopt int vie(re)ndeel van allen den/ goeden bij hem overgegeve(n) gericht te zijne (et)c(etera) Seet/ de voirs(creven) eduwart ontkinnen(de) hem in alle de goede/ recht oft deel te hebben(e) Bij den reden(en) en(de) specificacie(n)/ hier nae volgen(de) ende als vanden ghene(n) d(air) inne/ eduwart hem nae bekint recht te hebben seet/ eduwart dat hij d(air) inne niet meer dan dachste/ deel sculdich en is te hebben hem des gedragen(de)/ totten vo(n)nisse gewesen iiii m(ar)cii lestleden en(de) tot/ u hee(re)n Op dierste ii[e] en(de) iii[e] bekint/ eduwart den voirs(creven) corniel(ijse) inden name alsoe hij/ procedeert dachste deel vand(en) goeden d(air) inne begrepe(n)/ als goeden vercrege(n) bij sande(re)n en(de) sijne(n) wive in volle(n)/ stoele hopen(de) bijden reden(en) voirs(creven) d(air) mede te gestaen(e)/ Opt iiii[e] vand(en) ii huysen mette(n) hove(n) (et)c(etera)/ seet de voirs(creven) ed(uwart) dat corniel(ijs) dien aengaen(de)/ geheelic is verdoolt en(de) en is niet sculdich d(air) inne/ e(n)nich recht oft deel te hebben Bij dien want/ sander die vercreech eer hij tot huwelike tooch te weten(e)/ xii junii a(nn)[o] xxxix Ende hij tooch te huwelike int / selve jaer xxxix des sondaechs voir s(in)[t] mertens/ dach d(air)nae Dwelc eduwart p(rese)nteert te thoene(n)/ met eene(n) boecxken dair de voirs(creven) wilen sander met/ sijnd(er) hant die ed(uwart) oic p(rese)nteert te approbe(re)n gescreve(n)/ heeft den dach dat hij te huwelike tooch Opt/ v[te] en(de) vi[te] seet eduwart dat hij he(m) bekint/ soe verre he(m) dat aengaet inde rinte(n) dair inne/ begrepe(n) dachste deel hopen(de) d(air) mede te gestane/ bijden reden(en) voirs(creven) Opt vii[te] als vand(en) v s(chellingen)/ oud(en) gr(oten) op de stad van thiene(n) seet eduwart/ dat die sijn oude stocgoede(n) gecome(n) vand(er) zijden/ des voirs(creven) wile(n) sanders want die den selven/ sande(re)n in deylinge(n) gevallen sijn tegen des voirs(creven)/ eduwarts vader en(de) moeder hem van al gedragen(de)/ totten brieve(n) dair af zijnde hopen(de) dat corniel(ijs) dair/ o(m)me van dien geheelijc verdoelt is en(de) en dient hem
//
niet dat die v s(chellingen) toecomen sijn staen(de) den huwelike/ van sande(re)n ende sijne(n) wive hem des gedragen(de) totten/ rechte Opt viii[te] en(de) xii[te] seet eduwart/ dat de chijsen en(de) rinte(n) dair inne begrepe(n) zijn/ leene en(de) en beho(r)en nerge(re)ns ter ke(n)nissen oft beslichte/ dan voir den heenhee(re) en(de) zijne(n) ma(n)nen d(air)af men/ die te leene houden(de) is en(de) en can niet gediene(n) dat/ dwaerscap dair af voir scepen(en) van loeven(e) is gedaen/ Ende declineert soe verre dien aengaet vand(en) gerichte/ alhier voir den voirs(creven) hee(re)n ende ma(n)nen ald(air) hij tegen/ den voirs(creven) cornielijse van dien p(rese)nteert rechts te plegen/ hopen(de) d(air)mede te gestaen(e) te des(er) instan(cien) Opt/ ix[te] ende xvi[te] seet eduwart dat derve dair/ die rinte op stont sande(re)n toebehoirde lange eer hij/ te huwelike tooch d(air) inne cornielijs oic hem niet en/ p(re)tendeert gericht te zijne van welcken erve hem/ alsoe toebeho(r)ende hij die rinte heeft gelost en(de) afgequete(n)/ En(de) want hij int erve niet gericht en is en(de) dat bij/ successien en(de) legaten sculdich is te volge(n) den voirs(creven) ed(uwart)/ Soe hoept eduwart dat die afgequeten rinte van/ geliker natue(re)n sculdich is gehouden te worden hem des/ gedragen(de) totten rechte Opt x[te] ende xi[te]/ seet eduwart dat hij cornielijse bekint dachste/ deel inde rinte(n) ald(air) begrepe(n) hopen(de) als vo(r)e dair mede/ te gestaen(e) Opt xiii[te] seet eduwart dat/ hij hem van dien gedraecht totter hee(re)n vo(n)nisse en(de) den/ rechte Opt xiiii[te] seet eduwart dat/ cornielijs soe verre hij dair inne meynt gericht te/ zijne dat volge op de ghene d(air) sander die heeft/ gemaect Opt xv[te] en(de) xvii[te] seet/ eduwart dat hij cornielijse dair inne bekint dachste/ deel en(de) niet voirde(r) bijden reden(en) voirs(creven) Opt/ xviii[te] en(de) xix[te] seet eduwart dat hij den/ wijng(ar)t aldaer geruert niet en heeft cornielijs/ mach dien volgen d(air) op den ghene(n) en(de) alsoe/ dat behoirt en(de) als vand(en) rolleke(n) is eduwart/ wel te vreden soe verre hem dat ae(n)gaet dat/ corniel(ijs) dat volge Opde pointe(n) van xx/ incluys tot xxvii excluys seet eduwart dat
//
nae recht en(de) costume tot hertoe inder stad van loeven(e)/ onderhouden alle rinte(n) staende op borge(n) volgen der disposicien/ en(de) wille vand(en) lestleven(de) gehuysschen ma(n)ne oft wive/ gelijc der haven hem des gedragen(de) totten rechte en(de)/ onderhouden van dien waer bij de voirs(creven) cornielijs/ dien aengaen(de) geheelijc is verdoolt Opt/ xxvii[te] aengaende den vliegen(d)erven seet eduwart/ dat cornielijs en(de) hij alle de vliegen(d)erve naevolgen(de)/ den inve(n)tar(is) bijden notar(is) en(de) testamente(u)[rs] inden sterfhuyse/ gemaect gedeylt hebben en(de) dat corniel(ijs) van al/ tvierdel heeft gehadt dair hij mair dachste deel/ hebben en soude en(de) alsoe is hij van dien geheelijc/ verdoolt Versueken(de) dat cornielijs weder restitue(re)/ tgene dat hij alsoe te vele heeft gehadt Op/ de protestacie seet eduwart dat hij van geliken/ mach proteste(re)n want hem noch bat dienen soude/ soe verre men e(n)nige goede meer bevonde Hier/ nae volgt de tweeste cedulle vand(en) verweerde(r)/ Dits dantwerde die eduwart cruyplant doet op/ de ii[te] cedulle hem bijden p(ro)cur(eur) claes van lynt ov(er)gegeve(n)/ i Ierst op dierste seet eduwart dat hij die/ viii mudd(en) rocx noyt en hadde noch en heeft Hij/ laet den procur(eur) oft clase die volgen opden ghene(n)/ die die hebben mach ii Opt ii[te] en(de) iii[e]/ seet eduwart dat die ii crone(n) en(de) ii rijders bij den/ testame(n)te sanders wilen van oerbeke gemaect zijn/ janne vander borch lonijse van udekem ende ande(re)n/ hue(re)n medeplege(re)n die die alsoe hebben aenveert/ En(de) alsoe oft de voirs(creven) procur(eur) dair toe soude/ willen pretende(re)n e(n)nich recht te hebben dat/ hij dat sueken mach op de ghene die die besitten/ Mair hij eduwart hoopt d(air) af ongehouden te/ zijne iii Opt iiii[e] seet eduwart/ dat thuys ald(air) begrepe(n) is out stocgoet den voirs(creven)/ sande(re)n verstorve(n) bij aflivicheyden van sijne(n) vader/ welc huys dair nae de voirs(creven) sande(r) uutgegeve(n)/ heeft ten erfchijse op de twee ryns guld(en) erflijck/ die dair op sijn bleven staen(de) Ende alsoe hoopt de
//
eduwart dat die rinte sculdich is gelike natue(re) te/ hebben bijden welcken de voirs(creven) procur(eur) dair aen is/ verdoolt iiii Opt v[te] seet eduwart/ dat de voirs(creven) wilen sander den grooten horen hadde/ vercregen voe(r) en(de) eer hij den staet van huwelike/ aenghinc Dwelc hij namaels vand(en) voirs(creven) rijd(er)/ heeft gesuvert hoopt eduwart dat die bate den/ erve en(de) p(ro)prietar(is) van dien volgen sal hem des gedragen(de)/ totten rechte v Opt vi[te] seet eduwart/ dat hij de meyni(n)ge des voirs(creven) procur(eur)s in dien niet/ wel en verstaet ende dat hij alsoe dair op niet naerde(r)/ en weet te antwerden vi Opt vii[te] seet/ eduwart dat dien brief den voirs(creven) wilen sande(re) in/ handen gestelt was voir seke(re) scatscult die welcke/ betaelt sijnde men sculdich is den voirs(creven) brief den/ p(ro)prietar(is) weder over te geven Ende want sander/ van allen zijne(n) haefliken goeden ende sculden mocht/ testate(re)n soe hoopt bijden reden(en) voirs(creven) de voirs(creven) eduwart/ dat de voirs(creven) procur(eur) in dien verdoelt is vii Opt/ viii[te] seet eduwart dat hij gheene goeden meer/ en weet dair inne de voirs(creven) procur(eur) nae recht gericht/ soude moegen sijn alsoe hoopt hij van dier sijnd(er) begherte(n)/ ongehouden te zijne Ende aldus inder/ saken bij partien in wed(er)ssijde gealt(ri)ceert en(de) geco(n)cludeert/ sijnde en(de) de scepen(en) gemaent bijden meye(r) hebben/ zij vo(n)nislijc gewesen nae dat zij de voirs(creven) scriftue(re)n/ van beyden p(ar)tien rijpelijc hebben oversien en(de) de voir vo(n)niss(en)/ voir oogen gehadt Dat aengaen(de) den yersten/ ii[en] iii[en] v[en] vi[en] x[en] xi[en] xiii[en] xiiii[en] xv[en]/ xvii[en] xviii[en] xix[en] vanden yersten eyssche des/ aenleggers en(de) insgelijcx den yersten ii[ten] en(de)/ iii[en] pointe(n) vand(en) tweesten eyssche eduwart/ sal gestaen met zijnder p(rese)ntacien die hij op die/ pointen heeft gedaen Aengaen(de) den iiii[en]/ pointe vanden yersten eyssche d(air) af is daenlegg(er)/ verdoolt soe verre dat noch voir scepen(en) comen is Aengaen(de)/ den vii[ten] viii[ten] ix[ten] xii[ten] xvi[ten] vand(en) yersten/ eyssche desgelicx den iiii[en] en(de) v[ten] vand(en) ii[ten] eyssche
//
bege(re)n de hee(re)n scepen(en) te hebben claernisse van des eduwart/ dair tege(n) in zijnen verantwerd(en) gealligeert heeft ende/ d(air)entinden recht Aengaen(de) den xx[ten] xxi[ten] xxii[en]/ xxiii[en] xxiiii[en] xxv[en] ende xxvi[en] vand(en) yersten eyssche/ dat daenlegge(r) dair af verdoelt is Aengaen(de)/ den xxvii[en] en(de) lesten vand(en) yersten eyssche gelieft/ eduwarde naerde(r) tantwerden dat hij dat doen/ mach Aengaen(de) den vi[en] vand(en) ii[ten] eyssche/ dat tverantwerden vanden verweerde(r) genoech is/ Aengaen(de) den vii[ten] van dien dat daensprake/ in dye dien ydel is Ende aengaen(de) den viii[ten]/ en(de) lesten van dien dat daenlegge(r) vand(en) erfgoeden/ oft rinte(n) d(air) hij inne gericht mocht zijn sal hebbe(n)/ copie P(rese)ntib[(us)] scab(in)is in sca(m)p(n)[o] nove(m)br(is) xxviii