It(em) vander questien die geweest es voe(r) den raide vander stad/ tuschen gielise van p(er)gate [die] alse procureur der pensionar(isen) ende rentiers/ op de stad ende cap(it)le van ludic renten hebben(de) hadde doen dagen/ meester janne van beringhen wissele(r) Om van hem te hebben/ uutreyckinghe van zek(ere)n pe(n)ninghen die uut zijnen vervolghe/ in zijnen wissel gesett wae(re)n tot behoef vanden pensionar(isen) en(de)/ rentiers voirs(creven) Dairaff hij p(ro)curacie en(de) mechticheit hadde om/ die te vervolghen Navolgende den welcken hij zijn dilige(n)cie/ gedaen hadde met rechte op der voirs(creven) van ludic verobligeerde
//
goede dat die inden name also hij p(ro)cedeerde na recht sculdich wae(re)n/ te volghen niet te min hij was te vreden dat roelof va(n) b(er)them/ die voer zijn renten met rechte gevolght hadde hebben soude/ en(de) vo(r)e betailt worden vander so(m)men van vijftich rinsch gul(den)/ die hem gevallen wae(re)n Daer tegen de voirs(creven) meest(er) jan/ seide dat hij te vreden was dat de pe(n)ninghe den voirs(creven)/ gielise volghden Bij alsoe dat die den gemeynen pe(n)sionar(issen)/ ende rentie(re)n te gelike na avenant volghen souden uut dien / dat die pe(n)ninghe onder hem tot behoef vanden gemeynen/ pensionar(isen) gesett wae(re)n ende dairaf gegeven hadde zijne/ cedulle van recepisse meynende alsoe vanden voirs(creven) pe(n)ningen/ niet te scheiden voer d(er)re tijt toe dat zijn vors(creven) cedulle/ hem weder gerestitueert soude sijn oft dat hij ten minsten/ versekert soude zijn dat de betalinghe geschien soude zo/ hij dat versocht hadde Es getermineert en(de) uutgesproken/ dat de geeyschte pe(n)ninghen den voirs(creven) gielise inden name/ also hij p(ro)cedeerde volghen souden Behalven dat den vors(creven)/ roelove voer all volgen soude de betalinghe vanden voirs(creven)/ vijftich rinsch gulden(en) Act(um) in consilio opidi aug(usti) xxiii