It(em) de voirs(creven) wouter heeft gelooft den voirs(creven) janne van udekem/ dat hij hem tot zijnder maniss(en) uutreicken ende betalen sall alle/ alsulke pe(n)ninghen alse de selve jan affirme(re)n sall bij eede dat/ hij deughdeliken navolgen(en) der comanscap betailt heeft en(de) de/ selve wouter nae recht van nairderscape sculdich es dat hij/ hem oic scadeloes ontheffen sall van alsulken geluften als de/ voirs(creven) jan navolgen(de) d(er) come(n)scap gedaen heeft voer scepen(en) va(n) lov(en)/ meester claese van vucht raed en(de) meester vand(er) rekencame(re)n
//
onss gened(ichs) h(ere)n tsh(er)toghen Heeft voirt gelooft de selve wout(er)/ dat zo verre bevonden wort dat de weyde vanden vors(creven) goeden/ viel s(in)te mertensmisse lestleden en(de) dat die sculdich wae(re) na/ recht den voirs(creven) janne te volgen dat hij die ombelett den/ voirs(creven) janne in dien gevalle sall doen en(de) laten volgen niet/ tegenstaen(de) der voirs(creven) guedinghen Cor(am) eisdem