Item also als ten vervolghe jans de wairseghe(re) die met zek(ere)n/ scepen(en) brieven van loeven den eenen vander daet xiiii[c] lxxviii/ januarii xv ende den ande(re)n vander daet xiiii[c] lxxviii/ augusti viii houdende es Te weten met den yersten/ brieve xxi rinsch gulden in goude ende vii(½) moel(evate) hards/ corens Ende met den ande(re)n brieve vier mudde rogs ende/ anderhalf mudde tarwen all erflicx pachts ende renten aen/ ende op zeke(re) goede ende onderpande nu toebehoiren(de) h(ere)n janne/ van heriamez he(re) van s(in)t aeghten rode ende janne du mont/ gelijc de voirs(creven) brieve die nairder uutwijsen ende begripen/ Gescreven es geweest met brieven der stad van loeven den/ meye(r) van nethenen oft zijnen stedehoude(r) hem oft den bring(er)/ der selver brieve de selve goede te leve(re)n ende te doen volgen/ Ende oft de voirs(creven) h(er) jan zijn wynne(n) jan du mont oft/ yemant anders tegen de voirs(creven) scepen(en) brieve yet hadden/ willen seggen oft die invalide(re)n dat zij des quamen tot/ eenen zek(ere)n daghe van rechte mids verstriken(en) va(n) genechten/ op heden dienende alhier voe(r) meye(r) en(de) scepen(en) int recht gelijc/ de vors(creven) brieve dat voirder inhouden Ende de selve h(er) jan/ zijn wynnen jan du mont noch nyemant van heuren wegen/ te rechte niet comen en zijn Den voirs(creven) janne de wairseghe(re)/ aldair compare(re)nde ende trecht voirt versuecken(de) doende oic/ blijken certificacie van janne van scoenvorst meye(r) te nethen(en)/ dat hij de leveringhe der voirs(creven) goede navolgende den/ voirs(creven) versueckbrieven gedaen hadde Soe hebben de/ scepen(en) van loeven ter manissen smeyers gewijst voer een/ vo(n)nisse so verre des voirs(creven) wairseg(er)s wederp(ar)tie niet/ en quame ten opstaene smeyers ende van hen scepen(en) datmen/ hem dan vanden voirs(creven) goeden houden soude in zijnre voirs(creven)/ leveringhen tot zijnen wettigen gebreke behoef zo verre het/ noch voer hen scepen(en) comen es Cor(am) abs(oloens) borch b(er)ghe roela(n)ts/ tybe novembr(is) xxviii