It(em) desgelijcx heeft joes van bruysseghem gemechticht janne van ost/ en(de) janne van borre aut alt(eru)m Om alle zijn tsijse renten pachten lijft(ochten)/ en(de) ande(re) schulden te manen teyschen op te boe(re)n en(de) tontfangen d(air)voe(r)/ te panden te dagen (et)c(etera) En(de) alle zijn ande(re) saken te v(er)wa(r)en (et)c(etera) in for(ma)/ promitt(ens) rat(um) [salvo iusto calculo] cor(am) berghe cav(er)son decembr(is) xi