Allen den ghenen (et)c(etera) dat joffr(ouwe) beatrijs van oppendorp weduwe/ henricks wilen witteman onse ingeseten poirtersse heeft gestelt/ geordineert ende gemaict laureyse bloemen te wesen heuren/ meye(r) te buedinghen te beetse en(de) torsmale Geven(de) en(de)/ verleenen(de) den selven laureyse volcomen macht auctoriteit ende/ zunderlinghe beveel de vors(creven) meyerien te bedienen en(de) te v(er)warene/ en(de) d(air)inne te doen en(de) texcerce(re)n alle manie(re)n en(de) vorderingen va(n)/ rechte die de voermeye(re)n geploghen hebben en(de) vermoegen na/ recht te doene niet dair inne uutgescheiden Gevende oic en(de)/ verleenen(de) de voirs(creven) joffr(ouwe) beatrijs den voirs(creven) laureyse en(de) joese/ absoloens claese de kersmake(re) beide behuwde sonen der vors(creven)/ joffr(ouwen) beatrisen johannem gerardi vander gouwen meester/ gheerde rabode wille(m)me van leele janne van borre henr(icke)/ vanden gehuchte willem(me) de zomer willem(me) de witte wout(ere)n/ van wanghe en(de) laureyse tielmans en(de) elken besunder thoenre/ des(er) l(ette)ren volcomen macht en(de) zunderlinghe beveel alle der/ vors(creven) weduwen tsijze renten pachten lijftochten en(de) ande(re) sculden/ diemen hair nu ten vors(creven) plaetsen oft elders zo wair dat/ zij sculdich es oft namails wesen sall Te manen teyschen/ op te boe(r)en ende tontfanghen den sculde(re)n van heuren ontfange/ quijt te schelden ende quitancie te gheven Dair voe(r) te panden/ te dagen en(de) rastamente te doen leggen de selve tsijse/ renten pachten lijftochten en(de) ande(re) sculden Ende alle heure/ ande(re) saken ende stucken die zij nu uutstaende heeft oft/ namails hebben sall moegen in aenleggers oft verweerd(er)s/ stat hoedanich die zijn met rechte te verwaren te bescudden/ te vervolgen en(de) te bedinghen die te wynnen ende te verliesen/ tallen plaetsen voer alle gerichten en(de) tegen eenenyegeliken dair/ des behoeven en(de) te doen sall moegen wesen composicie en(de)/ mynlike yffeninghe dairaff te maken scepen(en) brieve te/ vo(n)niss(en) ende die texeque(re)n Thoeniss(en) en(de) wairheiden te/ leyden der wed(er)p(ar)tien getuygen te zien en(de) hoiren swee(re)n/ die te batte(re)n te replice(re)n te duplice(re)n also wail int p(ri)ncipail/ als int accesseur en(de) alle poenten en(de) articulen van rechte/ d(air)toe te vorde(re)n die na recht d(air)toe behoiren moeghen/ En(de) voirts alle tghene (et)c(etera) Cu(m) p(otes)tate substituen(di) p(ro)mitt(ens)/ rat(um) salvo iusto calculo Cor(am) moelen burg(imagistro) caverson/ tybe scabinis julii xii