It(em) jan morchain van graven heeft bekindt gehaven te hebben van janne/ van dyoen philipse van dyoen uut handen jacops van dyoen brued(er)/ svoirs(creven) jans alsulken so(m)me van pe(n)ningen als de vors(creven) jan en(de)/ ph(ilip)s voer de wet te wave(r) den vors(creven) janne morchain omtrint/ s(in)t(er) claes daghe lestleden geloofden uut saken vanden meest(er)gelde/ der quetsue(re)n en(de) afhouwen vander recht hand des vors(creven) jans/ morchain de [welke] voe(r) de selve jan aen meest(er) anthonijse de draye(re)/ en(de) henricken du moulin cirurgijnen betaelt ende verleeght hadde/ voe(r) de vors(creven) van dyoen Scelden(de) den vors(creven) janne philipse en(de)/ jacoppe en(de) alle ande(re) dient aegaen mach vanden vors(creven) meest(er)gelde/ volcomelic quijt P(ro)mitten(s) non alloqui (et)c(etera) en(de) de vors(creven) gelufte/ te wave(r) gedaen te doen a(n)nichile(re)n tuschen dit en(de) vastelavo(n)t/ naistcomen(de) Cor(am) abs(oloens) berghe febr(uarii) xxiii