Allen den ghenen (et)c(etera) doen cont en(de) te weten(e) dat/ opden dach datu(m) van desen voir ons comen zijn in p(er)sone/ jacop beterman claus spynnor en(de) peter vand(er) dijlen/ alle onse ingeseten(en) en(de) hebben geconstituert volcomen/ macht procuracie en(de) auctoriteit ghegeven ende/ maken met desen mechtich goessen(en) pierart ende/ hughen van udekem oic onse ingeseten(en) en(de) elken/ van hen bezunder om [met rechte] te vervolghen te bedinghen/ te wynnen en(de) te verliesen alsulcke questie ende/ sake die zij hangen(de) en(de) uutstaende hebben teghen ghijs/ brechte vander schue(re)n voir de eerbare en(de) wijse/ he(re)n wethoude(re)n der stat van antwerpen onsen goeden/ vrienden en(de) mynlike effeninghe dair af te maken/ getuyghen te leiden d(er) wed(er)p(ar)tien te sien zweren/ die te batteren also menich werve(n) als des te doen/ sal zijn Te replice(re)n te duplice(re)n also wale int/ principael als int accesseur quitan(cie) te gheven/ en(de) p(ar)tien quijt te schelden En(de) al te doene des sij/ selve souden moegen doen Ghevende den/ selven volcomen macht procuracie en(de) auctoriteit/ eenen oft meer p(er)sonen in dese sake te substitue(re)n/ die gelijc hen macht hebben zullen Geloven(de)/ de vors(creven) jacop claus en(de) peter opde verbinte/ nesse van allen hue(re)n goeden goet vast gestentich/ en(de) van weerden te houden allet ghene des/ bijden vors(creven) procur(eur)s en(de) substitute oft den eenen/ van hen in dese sake gedaen en(de) gevord(er)t sal worde(n)/ Behalven dat zij en(de) elc van hen gehouden sal/ zijn den vors(creven) jacope clause en(de) pete(re)n van hue(re)n/ bewinde in desen goede rekeni(n)ge (et) reliqua/ te doen cor(am) molen burg(imagistro) caversscon tybe oct(obris) xxiii