SAL7767, Akte: R°77.2-V°77.1 (177 van 734)
Akte R°77.2-V°77.1
Act
Datum: 1480-10-31
Transcriptie
2018-12-23 door Greet StevensIt(em) opt geschille dat geweest es voe(r) den raide vander stad tuschen/
henricken cnobbouts ter eenre ende denijse laukens ter ande(r) zijden/
Aldair de voirs(creven) henrick dede lesen en(de) exhibe(re)n eene cedulle vander/
daet xii in julio a(n)no lxxx inhouden(de) de vorwerden vand(er) coma(n)scap/
van eender woeninghen metden toebehoirten gelegen inde mynd(er)
//
bruederstrate die de voirs(creven) henrick tegen den voirs(creven) denijse/ die die hadde uutgedaight gecocht hadde liggende int contoir/ van deser came(re)n beg(er)de ende versocht de voirs(creven) henrick/ in zijnen coop gehouden te worden ende den vors(creven) denijse/ onderwesen oft bedwonghen te hebben hem navolgen(de) dien/ guedinghe ende vesticheit te doene Dair tegen de/ vors(creven) denijs hem verantwerden(de) en ontkynde niet de coma(n)scap/ Mair seide dat meester augustijn van nethen(en) geheten/ vanden royele daer tegewoirdich zijnde dien de woeninge/ voirscr(even) voe(r) den uutdagene als momboir zijns wijfs toebehoirt/ hadde aen hem comen wae(re) ende hadde beg(er)t dat hij de vors(creven)/ woeninghe woude vercopen op hoeghen en(de) hem toegeseeght/ so verre hij boven de ande(r) lasten tot zijnen wettigen gebreken/ niet en quame hem die op te leggen [en(de) den cope(r) genoechdoen en(de) warscap te geloven] Dwelc hij alsoe voer/ all vanden selven meester augustijne beg(er)de Dair op de/ voirs(creven) meester augustijn seyde dat hij hem der voirs(creven) goede/ niet aen en droegh noch noeyt hem aengedragen en hadde en(de)/ ontkynde tvoirs(creven) toeseggen so geschied te zijne Ende de voirs(creven)/ henrick replice(re)nde zeide dat hij hem all wa(r)e tvors(creven) toeseggen/ geschied dairaen niet en stiete noch d(air)mede te doen en hadde/ p(er)siste(re)nde in zijnder yerster beg(er)ten Es getermineert/ bijden raide vander stad notabelic vergadert en(de) den voirs(creven)/ p(ar)tien voer reden ende recht uutgesproken dat de vors(creven) denijs/ gehouden sall zijn den voirs(creven) henricken cope(r) vanden voirs(creven)/ goeden guedinghe ende vesticheit te doen navolgende der/ comanscap ende heeft hij meester augustijne van e(n)nigen/ toeseggen yet te eysschen dat hij hem dairaff volghen/ en(de) aenspreken mach dair ende alsoe dat behoirt Cor(am) eisd(em)
//
bruederstrate die de voirs(creven) henrick tegen den voirs(creven) denijse/ die die hadde uutgedaight gecocht hadde liggende int contoir/ van deser came(re)n beg(er)de ende versocht de voirs(creven) henrick/ in zijnen coop gehouden te worden ende den vors(creven) denijse/ onderwesen oft bedwonghen te hebben hem navolgen(de) dien/ guedinghe ende vesticheit te doene Dair tegen de/ vors(creven) denijs hem verantwerden(de) en ontkynde niet de coma(n)scap/ Mair seide dat meester augustijn van nethen(en) geheten/ vanden royele daer tegewoirdich zijnde dien de woeninge/ voirscr(even) voe(r) den uutdagene als momboir zijns wijfs toebehoirt/ hadde aen hem comen wae(re) ende hadde beg(er)t dat hij de vors(creven)/ woeninghe woude vercopen op hoeghen en(de) hem toegeseeght/ so verre hij boven de ande(r) lasten tot zijnen wettigen gebreken/ niet en quame hem die op te leggen [en(de) den cope(r) genoechdoen en(de) warscap te geloven] Dwelc hij alsoe voer/ all vanden selven meester augustijne beg(er)de Dair op de/ voirs(creven) meester augustijn seyde dat hij hem der voirs(creven) goede/ niet aen en droegh noch noeyt hem aengedragen en hadde en(de)/ ontkynde tvoirs(creven) toeseggen so geschied te zijne Ende de voirs(creven)/ henrick replice(re)nde zeide dat hij hem all wa(r)e tvors(creven) toeseggen/ geschied dairaen niet en stiete noch d(air)mede te doen en hadde/ p(er)siste(re)nde in zijnder yerster beg(er)ten Es getermineert/ bijden raide vander stad notabelic vergadert en(de) den voirs(creven)/ p(ar)tien voer reden ende recht uutgesproken dat de vors(creven) denijs/ gehouden sall zijn den voirs(creven) henricken cope(r) vanden voirs(creven)/ goeden guedinghe ende vesticheit te doen navolgende der/ comanscap ende heeft hij meester augustijne van e(n)nigen/ toeseggen yet te eysschen dat hij hem dairaff volghen/ en(de) aenspreken mach dair ende alsoe dat behoirt Cor(am) eisd(em)
Nagekeken door: Jos Jonckheer
Moderator: Jos Jonckheer
Laatste update:: 2018-04-04 door The Administrator