Cont zij allen lieden dat brueder lenart vanden houte hooghmeest(er)/ op dese tijt en(de) procur(eur) des godshuys van meeghdendale bij/ oplynte(r) hebben(de) volcomen procuracie van der abdissen en(de)/ convente des selfs godshuys in yegenwordicheiden der scepen(en)/ van loven(en) gestaen heeft uutgegeven en(de) bekint van wege(n)/ des vors(creven) godshuys uutgegeven te hebben wille(m)me andries/ woenen(de) te nederlynte(r) de helicht vander thienden die/ de canoncken vander nouwer proivinghen? der kercken van/ sinte peters te loven(en) hebbe(n) inden dorpe van nederlynte(r)/ en(de) d(air)omtrent die tvors(creven) godshuys voermaels tegen/ de vors(creven) nyeuwe canoncken in pechtingen genomen/ heeft dair af den termijn noch due(re)n sal van sint/ jansmesse baptisten naestcomen(de) twelf jar Te houden/ en(de) te hebben vanden vors(creven) jansmesse baptisten lestleden/ den vors(creven) t(er)mijn van twelf jae(re)n lanc due(re)nde Elx jairs/ dae(re)nbynnen om en(de) voir hon de helicht van hondert/ en(de) vijfen(de)neghentich guld(en) peters te xviii st(uvers) tstuc den/ stuver te iii pl(a)c(ken) Te vier termijnen jairlix te betalen(e)/ den procur(eur) des vors(creven) godshuys te weten(e) een vierendeel/ dair af te paesschen dand(er) vierdel tsint jacops messe tderdel/ tsinte remeysmesse en(de) tvierendeel te kersmesse en(de) telken/ termijne als verreicte schout Met vorwerden wart also/ dat tvoirs(creven) co(n)vent en(de) godshuys van meeghdendale e(n)nige/ schade hadde oft lede vand(en) vors(creven) he(re)n canoncken oft hue(re)n/ geco(m)mitteerden mits faute(n) van betalingen d(er) selver thiende(n)/ en(de) de vors(creven) thiendene(re) ten vors(creven) t(er)mijnen niet en betaelde/ en(de) d(air)af ingebreke wa(r)e dat de selve thiendenere de schade/ dragen sal en(de) tvors(creven) godshuys dairaf ontlasten en(de) niet and(er)s/ En(de) alle dese voirwerden (et)c(etera) Hieraf zijn borghen des/ voirs(creven) thiendene(re) jan andries sone des vors(creven) thiendene(re)/ en(de) reyne(r) van wanghe sone wilen jans woenen(de) te/ nederlynte(r) Et duo primi insuper primus cor(am) berghe/ tybe novembris xiii