Cond zij allen lieden dat gielijs van nederhem woenen(de) te kyesekem/ inde prochie van wynghe in p(rese)ncia (et)c(etera) heeft genomen en(de) bekindt/ genomen te hebben tegen janne blanckairt soen jacops wilen/ blanckairt thoff desselfs jans geheten thoff te zilv(er)berge/ te kysekem voirs(creven) gelegen met den wynnen(de) landen beemden/ eeusselen en(de) ande(re)n zijnen toebehoirten uutgenomen de bosschen/ d(air)inne de selve wyn gheen recht hebben en sall Te houden/ te hebben ende te gebruycken van halfmeye naistcomen(de) eenen t(er)mijn/ van tweelff jairen lang due(re)nde eemp(er)lic vervolgen(de) Elcx/ jairs dae(re)nbynnen te weten de voirs(creven) wynnen(de) lande voer en(de)/ om de helicht vanden vruchten jairlicx dair op wassende welke/ helicht de voirs(creven) wynne inne vue(re)n sall en(de) altijt dierste voed(er)/ voer den vors(creven) janne en(de) als [jans helicht] der selver vruchten gedersschen zijn [es]/ dan sall de voirs(creven) wyn die den vors(creven) janne te loeven leve(re)n en(de)/ de voirs(creven) jan sall alsdan den voirs(creven) wynne ende zijnen p(er)den/ den montcost gheven Ende de voirs(creven) beemde en(de) eeusselen/ tsamen met eenen beemde te moutbroeck gelegen voer en(de) om/ thien rinsch gulden(en) te lx pl(a)c(ken) tstuck te kersmisse te betale(n)/ den voirs(creven) janne jairlicx den vors(creven) termijn due(re)nde ende telken/ t(er)mijne alse vervolghde schout Ende es vorwerde dat de/ voirs(creven) wyn ja de vors(creven) lande den vors(creven) termijn due(re)nde wel/ ende loflic wynnen ende werven sall gelijc goede reengenoten/ boven ende beneden It(em) sall de voirs(creven) wyn inden zomerart/ jairlicx hebben een dachmail lants om erweten oft crocken te sayen/ sonder dairaff yet te gheven ende hij sal de huysinghe/ vanden voirs(creven) hove houden wel ende loflic vander underster/ rikelen nederw(er)t op zijnen cost Ende hij sall jairlicx int selve/ hoff leve(re)n ii[c] walme(re) so verre men die ald(air) behoeft om/ de huysinge ald(air) mede te decken ende alsmen die ald(air) v(er)dect/ oft anders van ouden wercke dect oft plect dan sal de wyn den/ werclieden den montcost gheven ende de voirs(creven) jan de dachue(re)n/ It(em) sall de voirs(creven) wyn jairlicx hebben een half duysent mutsarts/ tot zijnre berringhen behoef ende hij sal nairder halen desmen/ van stoffen vanden ouden wercke behoeven sall It(em) sal de vors(creven)/ jan [zess] jair lang copen stro om vijftich stuv(er)s om dat int/ vors(creven) hoff te slijten dairaf hij jan de tweedeel en(de) de vors(creven)/ wyn tderdendeel betalen selen mair de wyn saelt geheel/ verleggen in afslaghe vander weyhue(re)n en(de) [dat] halen also v(er)re/ als thienen It(em) sal de vors(creven) wyn vanden vors(creven) hove moegen
//
scheiden ten yersten sess jairen vanden voirs(creven) termijne bij alsoe dat/ hij dat den voirs(creven) janne een half jair te vo(r)en kundigen sall It(em)/ selen de voirs(creven) jan ende de wyn half ende half hebben dooft/ aldair wassende dwelc de vors(creven) wyn ter eerden leve(re)n sal/ en(de) janne zijn helicht te loeven leve(re)n Mair de selve jan sal dair/ eenen leze(r) moeten seynden ende oic toeghste eenen hul alsmen/ de vruchten innedoet eenen hulpe(r) welken leze(r) ende hulpe(r)/ de vors(creven) wyn den montcost gheven sall ende jan de dachue(re)n/ It(em) sall de voirs(creven) wyn tallen twee jairen hebben vier ellen wullens/ lakens tot eenen tabbairde en(de) des sall hij vermaken de bosschen ald(air)/ den vors(creven) hove toebehoirende Van welken bosschen de selve/ wyn de weye hebben sall om zijn p(er)de d(air)inne te doen en(de) and(er)s/ niet sonder meer rechts inde selve bosschen te hebben It(em) sal de/ voirs(creven) wyn jairlicx met zijnen wagene en(de) p(er)den den vors(creven) jan(ne)/ doen vier corweiden elke van eenen daghe dairt janne gelieven/ sall It(em) sal de vors(creven) jan jairlicx den vors(creven) wynne gheven tot/ zijnen saetcoirne behoef tweelff halster rogs der maten van/ loeven Ende de selve wyn sall de voirs(creven) goede laten tsijnen/ afscheiden also hij die vynden sal tsijnen aencomen It(em) en/ sal de voirs(creven) wyn zijn goede bynnen den vors(creven) termijne niet/ moegen mynde(re)n noch vercopen sonder consent des voirs(creven) jans/ Ende alle dese vorwerden (et)c(etera) Cor(am) caverson tybe no(vembris) xx