It(em) vander questien die geweest heeft voe(r) den raide vander stad tuschen/ janne van assent aenlegge(r) in deser instancien ter eenre en(de) h(ere)njanne/ de mu(n)te(re) prieste(r) alse p(ro)cureur katlijnen sbrievers natuerlic geleidt/[na des(er) stad recht] onder den ande(re)n tot allen den goeden have ende erve wout(er)s brabants/ verweerde(r) ter ande(r) zijden Aldair de voirs(creven) aenlegge(r) met supplicacien/ overgegeven heeft hoe dat de voirs(creven) h(er)jan als p(ro)cureur ende geleidt/ onder schijne vanden selven zijnen beleide ende den vo(n)niss(e) dairuut/ gevolght hem dagelicx vordert den vors(creven) van assent zijne handen te/ doen lichten vanden huyse ende hove met den toebehoirten den voirs(creven)/ wout(ere)n brabants zijnen wive ende erfgenamen toebehoiren(de) dairaen/ de selve h(er)jan hem grotelic molesteert tonrechte ende met quader/ saken [also hij te kynne(n) gaff] bij dien want nae dat wouter buyten lants heeft geweest/ heeft hij jan die goede in hueringhen genomen tegen des vors(creven)/ wouters wijf en(de) den erfgenamen desselfs jairlicx voer en(de) om/ den pacht uuten selven goeden gaende aen m(inen) he(re) vanden p(er)cke en(de)
//
anders met oic dat hij die houden soude van wande en(de) van dake/ sonder meer dair voe(r) te gheven dat die goede op die tijt waren/ ende laghen in alsulken state dat nyemant vanden gebue(re)n de selve/ goede en soude hebben willen aenveerden en(de) besitten noch oic alnoch/ en soude willen om niet op den co(m)mer d(air)uut gaende dat oic de/ voirs(creven) h(er)jan onder schijne vanden beleide ende vo(n)niss(e) vors(creven) heeft/ aenveert den vors(creven) janne ontoghen ende voirts vercocht diverse/ p(ar)chelen van beesten p(er)den ende horenvee den voirs(creven) janne p(ro)perlic/ en(de) nyeman(de) anders toebehoiren(de) want alsoe hij seide hadde hij/ de vors(creven) beesten selve vercregen ende gecocht behalven eene coe/ die hem de voirs(creven) wouter te huwelike over vii jair ende meer/ gegeven heeft ende dander horenvee bijden voirs(creven) h(ere)njanne ae(n)veerd/ ende vercocht was vander selver coe gecomen en(de) die hadde hij selve/ opgevuedt p(rese)nte(re)nde alle poenten in feyte geleghen te thoenen so hem/ die werden ontkindt hopende ende conclude(re)nde hem die bekint of gethoent/ dat de geleidde met zijnen vervolghe op de vors(creven) omberuerlike goede/ verdoolt es desgelijcx op de vors(creven) beesten bij hem vercocht en(de) dat/ hij dairaff sculdich soude zijn restitucie te doene hem des getroesten(de)/ tot den rechte Dair tegen de voirs(creven) h(er)jan hem verantwerden(de)/ sustineerde de contrarie bij diversen reden(en) ende onder den ande(re)n/ dat int jair voerleden als vander selver saken questie was alhier/ inde banck voer meye(re) ende scepen(en) van loeven tuschen de voirs(creven) p(ar)tien/ den selven h(ere)njanne alsdoen de voirs(creven) goede tot zijnder wettig(er) schult/ behoef aengewesen werden dat hij dien navolgen(de) tselve vo(n)nisse/ ter execucien hadde gestelt dat voe(r) den voirs(creven) vo(n)nisse als de lev(er)inge/ navolgende den beleide gedaen wert aldair waren ongedorsschen/ wel tuschen de xxx ende xl mudden corens ende oic beesten p(er)de(n)/ ende coyen die gecomen waren vanden goeden wout(er)s brabants vors(creven)/ dat die alsdoen goetgenoech waren om h(er)jans wettighe gebreken/ met coste ende co(m)me(r) te verhalen soe verre hij tot volcomend(er) execucie(n)/ hadde connen gecomen Mair de voirs(creven) jan hadde hem die belett/ beide met dreygementen dat nyemant die en dorste copen en(de)/ oic bij ontvreemdene der selver goeden dat meer is als de vors(creven)/ h(er)jan hem des hadde beclaight voe(r) de wethoude(re)n vanden voerleden(en)/ jaire Wert dairinne so v(er)re gep(ro)cedeert dat de vors(creven) van assent/ geloofde dat hij den vors(creven) h(ere)njanne vernuegen ende contente(re)n/ soude van zijnen wettighen gebreken eer hij uut der stad gaen/ soude en(de) dat hij alsoe dairaff maicte zijn wettighe scult Seide/ voirt dat onlanghs leden tuschen de voirs(creven) p(ar)tien van des(en) saken/ questie es geweest voe(r) den raide vander stad Aldair de vors(creven)
//
van assent te kynnen gaff alle tghene dair hij hem nu mede pijnt/ te behulpen ende dat partien gehoirt de voirs(creven) beesten den vors(creven)/ geleidden tot zijnder wettigher schult behoef aenget(er)mineert/ werden Welcke poenten met meer ande(re)n hij p(rese)nteerde te thoenen/ conclude(re)nde bij dien ter contrarien van des vors(creven) aenleggers/ co(n)clusien Es bijden raide vander stad notabelic vergadert/ p(ar)tien int langhe gehoirt ende de gescriften bij p(ar)tien in wed(er)sijde/ overgegeven gevisiteert nadat de selve partien tot heuren/ thoene gewesen waren des de voirs(creven) aenlegge(r) geheelic volqua(m)/ den vors(creven) verweerde(re) luttel oft niet van zijnen vermete thoenen(de) dat/ ter materien diende getermineert ende uutgesproken dat de geleidde/ met zijnen scepen(en) brieven mids der hueringhen vanden verweerdere/ verdoolt es op de omberuerlike goede daer questie af es behalven/ zijnen rechte opde p(ro)prieteit Desgelijcx op de have die de verweerde(r)/ gethoent heeft hem toebehoiren(de) en(de) die verthierd zijn D(air)aff den/ selven verweerde(re) restitucie geschien sall ter taxacien vanden goeden/ ma(n)nen Voirt so verre de geleidde bewijsen can dat de v(er)weerde(r)/ e(n)nich beruerlic goed in specie gehadt heeft oft ontvreemdt den/ bekynde(re) toebehoiren(de) dat hij die oft de estimacie van dien sculdich/ sall zijn hem op te leggen tot zijnder schult behoef ende de costen/ van desen sullen bliven berustende tot den ynde vander saken Dits/ uutgesproken ter p(rese)ncien van jans van assent wive en(de) willems/ van leele alse p(ro)cureur h(ere)njans de mu(n)te(re) januarii xix a(nn)[o] lxxx