Item margriete weduwe arnds wilen vanden rode woenen(de) te/ bynckem in p(rese)ncia (et)c(etera) heeft genomen en(de) bekindt genomen te hebben/ vanden eerwerdighen hee(re) h(ere)njanne van langrode inden name/ en(de) van weghen sgoidshuys van vlierbeke omtrint neghen/ boender wynnents lands den voirs(creven) goidshuyse toebehoiren(de)/ gelegen te bynken in diversen stucken en(de) plaetsen aldaer/ met der thienden die tselve goidshuys aldair houden(de) is/ gelijc de vors(creven) wilen arnd voe(r) en(de) de voirs(creven) weduwe nae de/ voirs(creven) goede ende thiende vanden selven goidshuyse tot noch/ toe aldair gehouden hebben Te houden te hebben ende te/ wynnen van halfmerte int jair lxxvii lestleden na scriven/ shoofs van camerijck eenen termijn va(n) xii jairen lang/ due(re)nde deen na dander sonder middel volgen(de) Elcx jairs/ dae(re)nbynnen voer en(de) om seven(en)twintich mudden rogs pag(abilis)/ cu(m) vanno pacht van bynckem en(de) der maten van thienen en(de)/ drie en(de) een(en) halven rinsch gulden(en) te lx pl(a)c(ken) tstuck alle/ jaire ts(in)t andriesmisse ap(oste)ls te betalen op en(de) te loeven oft/ int goidshuys dairt mijnen he(re) gelieven sall te leve(re)n q(uoli)[b(et)] ass(ecutu)[m]/ Ende es vorwerde dat de voirs(creven) wynnersse de voirs(creven) goede/ den vors(creven) t(er)mijn due(re)nde jairlicx wynnen werven en(de) mesten/ sall wel ende loflic ten minsten gelijc reengenoten boven en(de)/ beneden en(de) die bynnen den vors(creven) termijne all eens ov(er)m(er)gele(n)/ des sall mijn hee(re) heure den mergel betalen deen helicht/ ten halven tijde ende dander helicht ten lesten jaire vanden/ voirs(creven) t(er)mijne Ende zij sall de vors(creven) goede laten theuren/ afscheiden gelijc zij die met heuren man ae(n)veerde ten yerste(n)/ aencomen te weten xiiii dachmail dairaff wel besaeyt/ met rogge vijff dachmail stortten eens omgedaen en(de)/ drie boend(er) brake geheel It(em) es voirt vorwerde in gevalle/ de vors(creven) wynnersse ten afscheiden e(n)nighe schade hadde of/ lede aende goede oft thiende vors(creven) van hagelslaghe te(m)peeste
//
oft gemeynen orloghe dat mijn hee(re) heure dairaf cortsel ende/ afslach doen sall gelijc ande(re) hee(re)n en(de) p(re)laten heuren wynnen/ boven ende beneden doen sullen It(em) zal de vors(creven) wi(n)nersse/ allen den tsijs dien tvors(creven) goidshuys bynnen den vors(creven) dorpe/ van bynckem heeft jairlicx opheffen ende ontfanghen en(de)/ dairaff met oic allen vervallen van pontpe(n)ninghen goede/ wettighe rekeninghe en(de) bewijs doen It(em) sall der vors(creven)/ wy(n)nerssen jairlicx cortten een der vors(creven) mudden rogs voer/ een tabbairt laken Dair voe(r) zij eenen van heuren sonen/ jairlicx eenen tabbairt met des goidshuys levereyen sall/ moeten doen maken dair mede hij ten twee p(ro)cessie dage(n)/ den goidshuyse sall comen dienen te lov(en) gelijc ande(re) wynne(n)/ en(de) pachtene(re)n des vors(creven) goidhuys Ende alle dese vorw(er)d(en) (et)c(etera)/ Ende hier voe(r) zijn borghen der vors(creven) wynnerssen ongesund(er)t/ ende onv(er)scheiden en(de) elc voer all jan ende peter vanden rode/ heur sonen Et p(ri)ma Cor(am) borch vync marcii ii