Item jan vanden bossche woenende s(in)te pet(er)s rode bij cortelke in/ p(rese)ncia (et)c(etera) heeft genomen en(de) bekindt genomen te hebben tegen/ wille(m)me bruelmans soen laureys wilen bruelmans drie/ dachmail lants luttel min oft meer gelegen te cortelke/ in div(er)sen stucken en(de) plaetsen ald(air) En(de) twintich roeden beemds/ gelegen ald(air) inde verrebeemde gelijc de vors(creven) willem de/ vors(creven) goede aldair houden(de) es Te houden te hebben ende te/ gebruycken van alderheilige(n)misse lestled(en) eenen termijn/ van xviii jairen lang due(re)nde deen na dander sonder/ middel volgen(de) Elcx jairs dae(re)nbynnen voer ende om/ zess halster rogs goets ende payabels met wanne ende/ vloegelen wel bereidt der maten van loeven talderhey/ lighenmisse te betalen en(de) te cortelke vors(creven) te leve(re)n den/ voirs(creven) wille(m)me jairlicx den vors(creven) t(er)mijn due(re)nde (et) q(uoli)[b(et)] ass(ecutu)[m]/ Met vorwerden dat de vors(creven) jan de vors(creven) lande wel en(de)/ loflic den vors(creven) t(er)mijn due(re)nde wynnen werven ende mesten/ sal gelijc reengenoten boven ende beneden en(de) die laten tsijne(n)/ afscheiden gelijc hij die vonden heeft tsijnen ae(n)comen te/ weten een half boender braken geheel en(de) dander dach(mail)/ met rogge besaeyt It(em) sal de vors(creven) jan de beken vagen/ en(de) de straten maken wel en(de) loflic also dat den voirs(creven)/ wille(m)me dair bij gheen schade en geschiede Ende betale(n)/ alle tsijsen en(de) pachten [lasten] dair uut gaende sonder afslach/ vanden vors(creven) pachte en(de) hij sal moegen truncken alle trunchout/d(air) aende vors(creven) goede staende ten behoirliken tijde Welke/ vorwerd(en) vorscr(even) (et)c(etera) cor(am) borch berghe nove(m)br(is) penult(ima)