Allen den ghenen (et)c(etera) dat joffr(ouwe) marie van beringhen weduwe/ jorijs wilen de hont heeft wettelic gemechticht en(de) volcomen/ macht gegeven en(de) met des(en) l(ette)ren mechtich makenict en(de) volcomen/ macht gheeft [jannese vand(er) eycken geheten inde proofstie meest(er) jan(ne) va(n) beringen baudewijne jorijs] willem(me) van liesvelt rentmeester onss gened(ichs)/ h(ere)n tshertoghen te vilvoirden [gorise va(n) gheele] ende henricken waermoes diene(r)/ der voirs(creven) joffr(ouwe) marien [henr(icke) steyman janne va(n) arkele willem(me) vand(er) st(ra)ten beide va(n) bruessel ro(m)bou(te) va(n) baussele wo(enende) te thienen wou(teren) benecroy anth(onijse) vanden broecke beide va(n) antw(er)p(en) baltazar hebscap? va(n) vilvoirde(n) h(ere)n laur(ijse) vande(n) moerte(re) p(ri)este(r) en(de) meester boudewijne goethals docto(r) in medicinen] ende elken besunder thoenre des(er) l(ette)ren/ Om alle heure tsijze renten pachten lijftochten en(de) ande(re) schulden/ diemen heure nu sculdich es oft namails wesen sall Te manen/ teyschen op te boe(re)n ende tontfanghen den schulde(re)n van heuren/ ontfanghe quijt te schelden en(de) quitancie te gheven Dair voe(r)/ te panden te daghen en(de) rastamente te doen leggen composicie/ en(de) mynlike yffeninghe dairaff te maken scepen(en) brieve te/ vo(n)iss(en) en(de) die texeque(re)n Ende desgelijcx om alle der voirs(creven)/ weduwen ande(r) saken ende stucken die zij nu uutstaende heeft/ oft namails hebben sall moegen in aenlegg(er)s oft verweerd(er)s stat/ hoedanich die zijn met rechte te verwaren te beschudden te/ vervolghen en(de) te bedinghen die te wynnen ende te verliesen/ tallen plaetsen voer alle gerichten en(de) tegen eenenyegeliken dair/ des behoeven en(de) te doen sall moegen wesen Ende wes deen/ van hen begonnen sall hebben dat dat dande(re) sall moeghen/ volynden getuyghen te leyden der wed(er)p(ar)tien getuygen te/ sien swee(re)n die te batte(re)n te replice(re)n te duplice(re)n also wail/ int principail als int accesseur en(de) alle poenten van rechte/ dair toe te vorde(re)n die na recht d(air)toe behoiren moegen Ende/ voirts alle tghene (et)c(etera) promitten(s) ratu(m) salvo iusto calculo/ Cor(am) moelen burg(imagistro) borch caverson scabinis julii xi