Allen den ghenen die dese l(ette)ren sullen sien oft ho(r)en lesen/ ende bezunder den eerbae(re)n en(de) wijsen co(m)moingemeest(er)en/ scepen(en) en(de) raide d(er) stadt van mechelen onsen lieven/ vrienden burgermeeste(re)n scepen(en) en(de) raide d(er) stat/ van loven(e) Saluyt en(de) alle vrientscap doen cont en(de)/ te weten dat opden dach datum van desen voir/ ons comen is jan van e(re)nboudeghem woenen(de) te/ holsbeke en(de) heeft mechtich gemaect en(de) maect met/ desen mechtich daneele van e(re)nboudeghem sijne(n)/ sone om te vervolghen [te manen] te bedinghen te wynnen/ en(de) te verliesen [op en(de)] tegen janne van balen woenen(de)/ te mechelen alsulken vijf guld(en) pet(er)s eens als de/ selve jan van balen den vors(creven) janne van e(re)nboude(ghem)/ als wij verstaen doeghdelijc sculdich is het zij/ voir tgheestelijc oft weerlic gerichten Te replice(re)n/ te duplice(re)n also wale int principael als int accessoir/ getuygen ofs behoeft te leiden d(er) wederp(ar)tien getuyge(n)/ te sien zweren die te batte(re)n also menich werven/ alst behoeve(n) sal Quitan(cien) te gheven en(de) den vors(creven)/ janne van balen quijt te schelden En(de) vortaen gene/ ralic en(de) specialijc in des vors(creven) is te doene dat/ de vors(creven) jan van e(re)nboudeghem selve in p(er)sone soude/ moeghen doen telker tijt oft hij voir ogen ware/ promitt(ens) rat(um) salvo iusto calculo cor(am) molen burg(imagistro)/ vync tybe januarii ix