Op de questie die voe(r) den raide is geweest tuschen janne straetman/ henricke zijnen brued(er) arnde cole ende janne le(m)mens alle va(n) houd(er)t/ ter eenre en(de) henricken [vacat] cuype(r) inde parijsstrate en(de) henr(icken)/ zijnen sone ter ande(r) zijden alse van heuren gewasse die de vors(creven)/ vier p(er)sonen seiden den vors(creven) vader en(de) sone vercocht te hebben om/ den prijs alsoe dien boven ende beneden gelden soude die de/ vad(er) en(de) sone also genoech bekinden geschied te zijne mair hoopten/ te gestaene met xxxiiii stuv(er)s voer elke ame Den vors(creven) p(er)sonen/ sustine(re)nde de contrarie dat zij d(air)mede niet gestaen en souden/ want zij souden wel bewijsen dat e(n)nighe den wijn dair omtrint/ elc ame drie pet(er)s luttel min oft meer hebben gecocht Es/ den vors(creven) p(ar)tien uutgesproken voer een appoentement nadat zij hen/ vanden voirs(creven) geschille inder stad hadden gekeert dat de vors(creven) cop(er)s/ den vors(creven) vier p(er)sonen betalen sullen voer elke ame twee cronen te/ xxiiii stuv(er)s tstuc iii pl(a)c(ken) den stuv(er) ende dair mede sullen zij zijn/ veraccordeert In consilio opidi januarii xix