It(em) de voirs(creven) katlijne hellincx heeft gelooft den voirs(creven) janne baers/ dat zij bynnen twee jairen naistcomen(de) vervanghen sall ende in/ dien hebben janne greve gheerts behuwde soen der voirs(creven) katline(n)/ ende der voirs(creven) katlijnen beyardt zijne(n) wijf heurer docht(er) dat/ zij den voirs(creven) janne baers vanden voirs(creven) goeden guedinghe met/ geluften van genoechdoen en(de) wairscape sonder desselfs jans/ cost oft last doen sullen Ende inden gevalle oft de vors(creven) jan/ ende katlijne beyardt met der heilig(er) kercken bynnen den vors(creven) ii/ jairen gescheiden worden ende dat dat blijke met goed(er) c(er)tificacien/ oft instrumente den rechte van des(er) stad genoech zijnde dat dan de/ voirs(creven) katlijne beyards gestaen sal met der voirs(creven) guedinghen [en(de) wairscap] die/ zij dan alleene doen sall den vors(creven) janne baers sonder voirder/ gepraempt te zijne [En(de)] hier voe(r) [tvors(creven) vervangen] es borghe der vors(creven) katlijnen/ hellincx peter beyardt vors(creven) den welken de voirs(creven) katlijne hellincx/ h(ier)aff gelooft heeft tontheffen costeloes met allen costen die hij/ hierom sal moegen liden het zij costen van rechte oft ande(re) en(de) de/ guedinghe na den onderscheide voirs(creven) gedaen zijnde salmen dese/ gelufte van vervangen [versmelte(n) en(de)] te nieute doen en(de) casse(re)n [zijn] Ende oft oic gebuerde/ dat de voirs(creven) katlijne ende jan tot den vors(creven) vervangen of sceidinge(n)/ met der heilig(er) kercken niet gecomen en conden is vorwerde dat/ de voirs(creven) peter hem [alsdan] sal . verloven voe(r) de gelufte van genoechdoen/ ende wairscape gelijc der voirs(creven) katlijnen ende dair mede sal hij/ gestaen ende dat oic sonder cost des voirs(creven) jans Het en ware/ dat de vors(creven) gehuyschen beide namails aflivich [of jan grevegheerds bynnen den vors(creven) ii ja(r)en] worden In dien/ gevalle soude peter ende zijn goede van all ongehouden zijn al wairt/zo dat hij d(air)af wairscap en(de) genoechdoen gelooft hadde Cor(am) eisdem