It(em) de vors(creven) katlijne beyardt heeft gekindt openbairlic dat hair (con)sent/ ende wille es ende dair bij gestaen heeft dair alle ende yegewelke/ guedinghen opdrachte ende geluften den vors(creven) janne baers ende pet(ere)n/ beyardt bij katlijnen hellincx heurer moeder gedaen ende geschiet/ zijn en(de) dat zij dair mede te vreden is Ende hebben de vors(creven) katlijne/ hellincx ende katlijne hair dochter voe(r) den voirs(creven) janne roelants/ en(de) goessene tybe als scepen(en) die over de guedinghe vanden voirs(creven)/ beemde stonden voirt verclairt dat zij willen dat den vors(creven) pet(ere)n/ en(de) zijnen nacomelinghen den vors(creven) beemd volghen sall en(de) nyeman(de)/ and(er)s sonder yemants wederseggen mids zek(ere)n reden(en) hen dairtoe/ porrende en(de) groten diensten die hij hen gedaen heeft inden gevalle/ oft zij dien beemd na den onderscheide voirs(creven) niet en vercochten/ Cor(am) eisdem