Nae dat achtervolgende den vo(n)nisse staende geregistreert in des(er) came(re)n/ januarii xviii lestleden tuschen gheerde bloems ende everarde celle/ meester peter vander heyden der stad gesworen meester cirurgijn/ op zijnen eed geclairt heeft op voergaen(de) dach van rechte de wonde/ dair questie af es voer een wyekende wonde So hebben de hee(re)n/ scepen(en) van loeven inder saken voirts gemaend gewesen voer een/ vo(n)nisse dat de voirs(creven) everard den voirs(creven) gheerde doen sal ter/ beterniss(en) een bedevairt s(in)te peters te meylanen d(air)wert te porre(n)/ bynnen xl daghen naistcomen(de) ende goede wairh(eit) d(air)aff te bringe(n)/ na des(er) stad recht oft zijnen goeden moet d(air)aff te hebben Dat/ hij oic den voirs(creven) meester cuelen en(de) af doen sal en(de) dairmede/ gestaen Cor(am) absoloens roelants cav(er)son tybe scabinis ja(nuarii) xxvii