SAL7767, Akte: V°189.1 (422 van 734)
Akte V°189.1
Act
Datum: 1481-02-16
Transcriptie
2022-09-03 door Greet StevensInder saken van geschille geport voe(r) den raide vander stad tusschen/
janne van buetsele woenen(de) inde dorpstrate ende joese pauwels/
aenlegg(ere)n ter eenre ende arnde wigger verweerde(r) ter ande(r)/
zijden alse van zek(ere)n costen geschiet inde banck voer meye(r)/
en(de) scepen(en) van lynden die de voirs(creven) aenlegge(re)n in gescrifte/
overgegeven hadden Dairop de voirs(creven) arnd zijn di(mi)nucie/
oic met gescrifte hadde gedaen Na dat die gescriften van/
eysche en(de) di(mi)nucien met oic tghene des d(air)inne bij partien/
ter eenre ende ter ande(r) zijden inde voirs(creven) banck van lynden was/
gedaen De scepen(en) van lynden ten versuecke en(de) in p(rese)ncien van/
p(ar)tien den raide vander stad overgegeven hadden navolgende/
den welcken beide de voirs(creven) partien die beg(eer)den bijden selven/
raide getaxeert te hebben Ald(air) de vors(creven) arnd sustineerde/
navolgende den hootvo(n)nisse tuschen p(ar)tien gewesen all wairt/
soe dat hij in e(n)nighe costen soude worden geco(n)dempneert/
dat die sculdich wa(r)en gena(m)ptiseert ende gesett te worden/
onder de wethoude(re)n van lynden tot den ynde vander saken en(de)/
dat hij die costen also stellen(de) alsoe sculdich wa(r)e te gestaene/
Dair tegen de aenlegge(re)n sustineerden de contrarie bij dien/
dat dairaf inde voirs(creven) banc van lynden zydert den vors(creven) hootvo(n)nisse/
questie was geweest en(de) dat de voirs(creven) arnd na dat dairop/
een hootvairt hadde begrepen geweest arnd niet inne en sette/
den hootcost bij vo(n)niss(e) der scepen(en) van lynden wa(r)e vellich gewese(n)/
hen des gedragen(de) tot den voirs(creven) gescriften bijden voirs(creven) scepen(en)/
van lynden overbracht Hopen(de) dairom dat arnd sculdich soude/
zijn hen op te leggen de costen getaxeert d(air)inne hij gedoemt/
oft geco(n)dempneert soude werden hen des getroestende tot den/
rechte Es bijden raide vander stad notabelic vergadert den/
voirs(creven) partien getermineert ende voer reden(en) ende recht uutgesproken/
dat de voirs(creven) arnd wigger sculdich zal zijn den voirs(creven) jan(ne)/
van buetsele ende joese pauwels op te leggen en(de) te betalen/
de costen alsoe die liggen(de) in deser came(re)n zijn getaxeert/
gedragende vijfthien rinsch gulden(en) oft dairomtrint Niet/
tegenstaende den versuecke van met na(m)ptise(re)n te gestaene/
bij arnde gedaen ende gesustineert Pronu(n)ciat(um) in pleno/
consilio febr(uarii) xvi
Nagekeken door: Jos Jonckheer
Moderator: Jos Jonckheer
Laatste update:: 2018-04-20 door The Administrator