SAL7767, Akte: V°196.2 (444 van 734)
Akte V°196.2
Act
Datum: 1481-02-26
Transcriptie
2022-05-26 door Greet StevensIt(em) henrick van gulcke ende lijsbeth heyms zijn wettige huysvrouwe/
dochter goirds wilen heyme die hij hadde van lijsbetten eveloeghs/
zijnen wive ende de selve lijsbeth eveloeghs in p(rese)ncia (et)c(etera) hebbe(n)/
geratificeert gelaudeert ende geapprobeert alle alsulken guedi(n)ge(n)/
alse h(er) jacop uuten lyeminghen ridder jan couwens en(de) zijn huysvr(ouwe)/
anderwile gedaen hebben janne vanden zaffle soen wilen goirds/
en(de) aelbrechte vanden zaffle soen wilen s(er)vaes van allen alsulken/
goeden alse toe te behoiren plaghen henricken wilen zwaufs te/
kerckem te buetsele ende dair omtrint gelegen en(de) men die/
houden(de) es zom van meester pet(ere)n van thielt zom vand(er) weduwen/
henricks wilen cruypelant ende zom vanden scouth(eit) van s(in)te cornel(ijs)/
ten eynden boven aken Scelden(de) de voirs(creven) gehuyschen ende/
lijsbeth eveloeghs alle trecht p(ro)p(ri)eteit ende actie die zij e(n)nichssi(n)s/
aende vors(creven) goede hebben mochten tot behoef des vors(creven) jans en(de)/
aelbrechts vanden zaffle heurer erfgenamen en(de) nacomelingen/
volcomelic quijt Geloven(de) hen noch de selve goede d(air)af ne(m)m(er)meer/
aen te spreken in gheenen rechte gheestelic noch weerlic in/
e(n)nig(er) manie(re)n mair hen d(air)af alt(ijt) genoech te doen en(de) voird(er)/
vesticheit oft zijs behoefden sonder der bekinde(re)n cost ende/
inne te staen tegen eenenyegeliken Cor(am) vync caverson/
februarii xxvi
Nagekeken door: Jos Jonckheer
Moderator: Jos Jonckheer
Laatste update:: 2018-04-20 door The Administrator