It(em) vanden geschille dat geweest es tuschen katlijnen willem(me) van bierbeke/ alse p(ro)cureur joffr(ouwe) katlijnen weduwe boudewijns wilen van dagb(er)mont/ ter eenre zijden en(de) wille(m)me pols ter ande(re) Alse vanden meswynnen(e)/ van zeke(re)n landen vanden hove van dagb(er)mont ende van allen ande(re)n/ artic(u)len inde pechtinghe der voirs(creven) goede begrepen en(de) voirts van alles/ des zij malcande(re)n eyschen(de) zijn moegen tot desen toe hebben hen/ de selve p(ar)tien verbonden in segg(ere)n ende mynlike yffene(re)n Te/ weten de voirs(creven) willem in gheerde boisman en(de) boudewijne/ van vyleer Ende de voirs(creven) willem in janne lyebeerts meye(r) t(er)/ sluysen en(de) mathijse van ayweyns in alsulker vueghen dat de/ voirs(creven) zegge(re)n der voirs(creven) partien thoenisse het zij vander wet/ van nodenbeke oft van ande(re)n goeden mannen en(de) oic ander/ bescheid aenhoiren selen tuschen dit en(de) van m(er)ghen in/ xiiii nachten naistcomen(de) ende heur uutsprake dairaf doen/ bynnen eenre maend dair nae met En(de) dat de vors(creven) willem/ zijn segg(er)s nemen sall omtrint den voirs(creven) hove oft plaetsen geseten/ Promitten(tes) rat(um) Cor(am) borch tybe aug(usti) v