Wij vync cav(er)son scepen(en) te loeven(e) doen cond ende kenlijc/ eenen(n) yegeliken dat opden dach van heden datum van desen/ voir ons comen sijn in p(ro)pe(re)n p(er)sone(n) willem van daelhem sone/ wile(n) willems ter eenre ende henr(ic) van daelhem brueder/ des voirs(creven) willems ter ande(r) zijden Ende hebben de voirs(creven)/ henr(ic) tot des nae bescr(even) is uute(n) broode jouffr(ouwe) elsen pynnock/ weduwe des voirs(creven) wilen willems va(n) daelhem sijnder/ jouffr(ouwe) moed(er) behoirlijc gedaen bij consente der selver ende/ affirme(re)nde de voirs(creven) henr(ic) dat hij is oudt xxv jaer/ ende d(air)enbove(n) gekint ende gelijdt dat zij met/ malcande(re)n bij rade en(de) avise van e(n)nigen hue(re)n mage(n) en(de)/ vrienden overcome(n) sijn eens worde(n) ende veraccordeert der/ pointen vorweerde(n) ende condicie(n) hier nae volgen(de) Te weten(e)/ inden yersten dat de vors(creven) willem den voirs(creven) henr(icke) zijnen/ brueder binne(n) xv dage(n) naestcomen(de) behoirlijc goeden erve(n)/ ende vestige(n) sal nae den leensche(n) rechte voir ons(en) gened(igen)/ hee(re) den hertoge oft zijne(n) stedehoude(r) ende ma(n)nen van leene/ van brabant inde heerlicheyt des voirs(creven) willems die hij/ heeft te wenre te aetrode te glabbeke ende dair omtrint/ mette(n) manscape(n) laetscape(n) p(er)tkue(re)n hoeve(n) ende chijs(en) in s(cellingen)/ d(enieren) cap(uynen) even(en) ende allen ande(re)n toebehoirte(n) gelijc alsoe/ en(de) in alle der manie(re)n de voirs(creven) willem en(de) sijne voirsate(n)/ die in eene(n) vollen leene van ons(en) voirs(creven) gened(igen) hee(re) den/ hertoge inden voirs(creven) plaetsen ende dair omtrent te leene/ gehouden hebben It(em) dat de voirs(creven) willem de voirs(creven) guedinge/ en(de) vestich(eit) gedaen sijnde den voirs(creven) henr(icke) sijne(n) brueder/ ter stont geve(n) ende overleve(re)n sal alle br(ieve) boeken rolle(n)/ en(de) alle ande(re) munime(n)ten die hij heeft oft weet den/ voirs(creven) leene(n) aengaen(de) Welcke voirs(creven) leene(n) de voirs(creven)/ henr(ic) tegen den voirs(creven) willem(me) sijne(n) brued(er) deugdelijc/ en(de) sonder fraude heeft gecocht om ende voe(r) de so(m)me/ van tweelfhondert ryns guld(en) te tsestich pl(a)c(ken) brab(ants)/ payments elcke(n) r(yns) gul(den) gerekent die welcke so(m)me/ de voirs(creven) henr(ic) den voirs(creven) willem(me) sijne(n) brued(er) betalen sal/ soe met gereede(n) pe(n)ning(en) soe met ande(re)n laste(n) van erf/ en(de) lijfrinte(n) en(de) oic statsculd(en) die de voirs(creven) wille(m) sculdich/ is en(de) die de voirs(creven) henr(ic) van nu voirtaen tot ewige(n) dage(n)/ te he(m)weert genome(n) heeft inder vuegen ende manie(re)n/ als hier nae volge(n) Te weten(e) inden yersten sal de voirs(creven)/ henr(ic) te he(m)weert neme(n) alsulcken tweelf pet(er)s elcken/ pet(er) te xviii st(uvers) gerekent erfliker rinte(n) staende ter/ / quitingen den d(enier) xviii mette(n) pachten van twee jae(re)n gedragen(de)/ tsamen tweehondert sesthien r(yns) guld(en) te tsestich pl(a)c(ken) tstuc als/ de voirs(creven) henr(ic) ten tide als de voirs(creven) wille(m) sijn brued(er) in vrancrike/ gevang(en) was om desselfs willems ranson te gecrige(n) aen/ ja(n)ne de waerseghe(re) gefineert heeft en(de) op sijns selfs/ goede(n) bevesticht sonder dat hij den voirs(creven) willem(me) oft/ zijne(n) nacomeling(en) uut saken van dien yet sal moegen/ eyssche(n) en(de) sal de selve henr(ic) ter manissen des voirs(creven)/ willems casseren ende te nyeute doen alle alsulcke(n) brieve(n)/ als de voirs(creven) wille(m) op hem en(de) sijn goede te ontheffen/ vand(er) voirs(creven) rinte(n) hem heeft gelooft It(em) alsulcken vie(r)/ crone(n) lijft(ochten) te xxiiii st(uvers) tstuc mette(n) pachte van eene(n) jae(r)/ gedragen(de) tweenvijftich r(yns) gul(den) en(de) xvi st(uvers) ind(er) weerde(n)/ voirs(creven) als de voirs(creven) wille(m) met seke(re)n sijne(n) borge(n) h(er) ph(ilip)s/ van scoenhove(n) ridd(er) hee(re) te waenrode sculdich is It(em)/ alsulcken vie(r) r(yns) guld(en) inder weerden voirs(creven) lijft(ochten) mette(n)/ pachte(n) van twee jae(re)n maken(de) achtenveertich gelike r(yns)/ guld(en) als willem oic jaerlicx sculdich is lodewijke roelants/ It(em) alsulcke(n) acht r(yns) guld(en) lijftochte(n) inder weerden voirs(creven)/ mette(n) pachte van eene(n) jae(r) gedragen(de) achtentachte(n)tich/ gelike ryns gul(den) als de voirs(creven) wille(m) oick sculdich is/ denijse melgiers geheete(n) laukens It(em) alsulcken drie/ r(yns) guld(en) lijft(ochten) ten prise voirs(creven) metten pachte van eene(n)/ jare gedragen(de) driendertich gelike r(yns) gul(den) als de voirs(creven)/ willem weyne stercx jaerl(ijx) sculdich is It(em) alsulcken/ thien cronen te xxiiii st(uvers) tstuc lijft(ochten) metten pachte/ van eene(n) jae(r) gedragen(de) hondert en(de) tweendertich r(yns)/ guld(en) ten prise voirs(creven) als de voirs(creven) willem ja(n)ne van berthem/ sculdich is It(em) alsulcken drie r(yns) guld(en) lijft(ochten) ten prise/ voirs(creven) metten pachten van twee jae(re)n gedragen(de) sessendertich/ r(yns) guld(en) als de voirs(creven) willem sculdich is ja(n)ne van baussele/ It(em) sulle(n) aen den voirs(creven) henr(icke) versmelte(n) alsulcke(n) twintich/ r(yns) guld(en) en(de) vii(½) st(uvers) ten p(ri)se voirs(creven) als de voirs(creven) wille(m) hem/ sculdich is en(de) die de voirs(creven) henr(ic) aen willems sculde(n)/ meer uutgegeve(n) heeft dan ontfaen binne(n) den tide dat hij/ desselfs willems sijns brueders goede in handen heeft/ gehadt It(em) sal de voirs(creven) henr(ic) drage(n) en(de) betalen der/ voirs(creven) sijnder jouffr(ouwe) moeder de p(ae)cheelen hier nae volgen(de)/ die de voirs(creven) willem huer sculdich is Te weten(e) van/ / des zij aen des voirs(creven) willems moelen meer uutgegeve(n) heeft dan/ d(air)af ontfaen vijf ryns guld(en) inder weerde(n) voirs(creven) en(de) xiiii(½) st(uvers)/ desgelijcx dat zij aen willems hoff meer uutgegeve(n) heeft/ dan ontfaen derthien gelike r(yns) guld(en) en(de) drie st(uvers) Ende/ noch alsulcken vijftich ryns guld(en) ten prise voirs(creven) als de/ voirs(creven) wille(m) der voirs(creven) sijnd(er) jouffr(ouwe) moeder uut saken van huer(er)/ duwarie(n) sculdich is Alle welcke so(m)men ende p(ar)cheelen/ voirs(creven) come(n) en(de) gedrage(n) ter so(m)men van sesshondert vijfendenege(n)tich/ ryns guld(en) inder weerden voirs(creven) en(de) eene(n) stuv(er) Ende tsurplus/ gedragen(de) vijfhondert vie(r) gelike r(yns) guld(en) ende negenthien/ stuv(er)s sal de voirs(creven) henr(ic) den voirs(creven) willem(me) sijne(n) brueder/ in gereede(n) pe(n)ning(en) wel en(de) deugdelijc uutreycken en(de) betale(n)/ ter tijt vand(er) gueding(en) voirs(creven) ende vestich(eit) voirs(creven) t(am)q(uam) ass(ecutu)[m]/ It(em) is vorweerde dat de voirs(creven) henr(ic) van nu voirtaen alle/ de lasten ende co(m)me(re)n voirs(creven) drage(n) sal en(de) betalen tallen t(er)mijne(n)/ als die vallen ende verschijne(n) sulle(n) ende den voirs(creven) willem(me)/ sijne borge(n) en(de) goeden d(air)af scadeloes houden ende ontheffen/ En(de) soe verre de voirs(creven) wille(m) zijne borgen oft goeden dair/ voe(r) oft e(n)nige van dien in e(n)nigen tiden gepraemt werden dat/ de voirs(creven) wille(m) hem sijne borgen en(de) goeden d(air)af met alle/ costen ende lasten zij wae(re)n van rechte oft ande(re) met des(en) op/ den voirs(creven) henr(icke) ende zijne goede sal moegen verhale(n) ende/ ontheffen scadeloes Ende ter meerder sekerh(eit) sal de voirs(creven)/ henr(ic) binne(n) twee maenden naistcomen(de) voir alle de p(ar)cheele(n)/ voirs(creven) en(de) voir elcke besund(er) als p(ri)ncipael hem verlove(n) voir/ scepen(en) van loeven(e) en(de) gelove(n) den voirs(creven) willem(me) ende sijne/ borge(n) te ontheffen alsoe hij met desen gelooft heeft Ende/ alle dese vorweerd(en) condicie(n) ende geloften voirs(creven) [en(de) elcker besund(er)] hebbe(n)/ gelooft de voirs(creven) gebruede(re)n voir hen hue(re)n erfg(enamen) ende/ nacomeling(en) malcande(re)n goet vast gestentich en(de) van/ weerde(n) te houden en(de) te voldoen(e) al elc den ande(re)n/ zijne goede ber(uerlike) en(de) onber(uerlike) jeg(enwoirdige) en(de) toecomen(de) dair/ voe(r) verbinden(de) ende veroblige(re)nde t(am)q(uam) ass(ecutu)[m] [q(uo)l(ibet)] septe(m)br(is) q(ua)rta