Allen den ghenen (et)c(etera) dat gertruyd ve(re)nyden heeft wettelic/ gemechticht en(de) volcomen macht gegeven (et)c(etera) janne van ost/ janne van borre wille(m)me van leefdale en(de) janne van/ udekem voerspreke aut alt(eru)m Om alle hae(r) tsijse renten/ pachten lijftochten en(de) ande(re) sculden diemen hair nu sculdich/ es of namails wesen sall Te manen teyschen op te boe(re)n/ en(de) tontfangen den sculde(re)n van heuren ontfange quijt te/ schelden en(de) quitancie te gheven dair voe(r) te panden te dage(n)/ en(de) rastamente te doen leggen composicie en(de) mynlike/ yffeninghe d(air)aff te maken scepen(en) brieve te vo(n)niss(en) en(de)/ die texeque(re)n Ende desgelijcx om alle haire ande(re) saken/ ende stucken die zij nu uutstaende heeft of namails hebbe(n)/ sall moegen in aenlegg(er)s oft verweerd(er)s stad hoedanich/ die zijn met rechte te verwaren te beschudden te v(er)volgen/ ende te bedinghen te wynnen en(de) te verliesen tallen/ plaetsen voer alle gerichten en(de) tegen eenenyegeliken/ dair des behoeven en(de) te doen sall moegen wesen/ getuygen te leyden der wed(er)p(ar)tien getuygen te sien/ swee(re)n die te batte(re)n te replice(re)n te duplice(re)n also wail/ int principail als int accesseur en(de) alle poenten van rechte/ dair toe te vord(ere)n die na recht d(air)toe behoiren moegen/ Ende voirts alle tghene (et)c(etera) p(ro)mitt(ens) rat(um) salvo iusto/ calculo Cor(am) moelen burgim(a)g(ist)ro vync caverson/ scab(inis) sept(embris) xi