It(em) meester jan de vivi(n)gijez cirurgijn heeft gelooft h(ere)nlod(ewijcke)/ pynnoc ridde(r) meye(r) te lov(en) janne willems zijnen lieuten(ant) h(ere)njanne pynnoc/ ridde(r) en(de) arnde vander moelen burg(er)meest(ere)n andriese van voshem jasp(er)/ claes janne de putte(re) janne berains [en(de)] janne truwant vorst(er)s tot heurer/ ald(er) manissen of t(er) manissen des vors(creven) meyers of zijns lieuten(ant) ende/ der vijff vorsters te doen een bedevairt te romen en(de) d(er)w(er)t te porre(n)/ bynnen xl daghen na dat hij d(air)toe vermaend zal zijn en(de) goede/ waerh(eit) dairaf te bringen na d(er) stad recht van lov(en) Op eenen/ banduyn van twee nobels ad opus d(omi)ni duc(is) (et)c(etera) p(er)solven(dum)/ Cor(am) berghe caverson septembr(is) xxvi