SAL7767, Akte: V°68.4-R°69.1 (158 van 734)
Akte V°68.4-R°69.1
Act
Datum: 1480-10-21
Transcriptie
2018-11-04 door Greet StevensAllen den ghenen (et)c(etera) dat h(er) arnd hoedanich hoenich prioer en(de)/
administrateur sgoidhuys van vlierbeke geco(m)mitteert bij beide/
mijnen he(re)n en(de) princen te weten bij onsen gened(igen) hee(re) den/
h(er)toghe van oistrijck van brabant (et)c(etera) en(de) mijnen he(re) den/
byscop van ludic heeft gesett geordineert ende gemaict/
janne van pamele woenen(de) te willebringhen te wesen/
des vors(creven) goidshuys meye(r) te willebringhen vors(creven) Geven(de)/
ende verleenen(de) den selve(n) janne volcomen macht aucto(r)iteit
//
ende zunderlinghe beveel de vors(creven) meyerie te bedienen ende/ te verwae(re)n ende d(air)inne te doen ende texerce(re)n alle manie(re)n/ en(de) vorderinghen van rechte die de voermeye(re)n geploegen/ hebben ende vermogen na recht te doene niet d(air)inne/ uutgescheiden Gevende oic ende verleenen(de) den voirs(creven)/ janne van pamele om alle des voirs(creven) goidshuys tsijse/ renten pachten ende ande(r) sculden diemen hem ten vorscr(even)/ plaetsen nu sculdich es oft namails wesen sall Te/ manen teyschen op te boe(re)n ende tontfanghen den sculde(re)n/ van zijnen ontfanghe quijt te schelden en(de) quitan(cie) te geven/ dair voe(r) te panden te daghen en(de) rastamente te doen/ leggen composicie en(de) mynlike yffeninghe d(air)af te maken/ Ende desgelijcx om alle des voirs(creven) goidshuys ande(r)/ saken ende stucken diet t(er) selv(er) plaetsen nu uutstaen(de)/ heeft of namails hebben sal moegen in aenlegg(er)s oft/ verweerders stat hoedanich die zijn met rechte te/ verwae(re)n te beschudden te vervolghen en(de) te bedingen/ te wynnen en(de) te verliesen tallen plaetsen en(de) voer/ alle gerichten dair des behoeven en(de) te doen sal moegen/ wesen getuygen te leiden der wed(er)p(ar)tien getuygen/ te zien swee(re)n die te batte(re)n te replice(re)n te duplice(re)n also/ wail int principail alse int accesseur en(de) alle poenten/ van rechte d(air)toe te vorde(re)n die na recht d(air)toe behoiren/ moegen Ende voerts alle tghene (et)c(etera) p(ro)mitt(ens) rat(um) renu(n)c(ians) (et)c(etera)/ salvo iusto calculo Cor(am) moelen burg(imagistro) vync tybe/ scabinis oct(obris) xxi
//
ende zunderlinghe beveel de vors(creven) meyerie te bedienen ende/ te verwae(re)n ende d(air)inne te doen ende texerce(re)n alle manie(re)n/ en(de) vorderinghen van rechte die de voermeye(re)n geploegen/ hebben ende vermogen na recht te doene niet d(air)inne/ uutgescheiden Gevende oic ende verleenen(de) den voirs(creven)/ janne van pamele om alle des voirs(creven) goidshuys tsijse/ renten pachten ende ande(r) sculden diemen hem ten vorscr(even)/ plaetsen nu sculdich es oft namails wesen sall Te/ manen teyschen op te boe(re)n ende tontfanghen den sculde(re)n/ van zijnen ontfanghe quijt te schelden en(de) quitan(cie) te geven/ dair voe(r) te panden te daghen en(de) rastamente te doen/ leggen composicie en(de) mynlike yffeninghe d(air)af te maken/ Ende desgelijcx om alle des voirs(creven) goidshuys ande(r)/ saken ende stucken diet t(er) selv(er) plaetsen nu uutstaen(de)/ heeft of namails hebben sal moegen in aenlegg(er)s oft/ verweerders stat hoedanich die zijn met rechte te/ verwae(re)n te beschudden te vervolghen en(de) te bedingen/ te wynnen en(de) te verliesen tallen plaetsen en(de) voer/ alle gerichten dair des behoeven en(de) te doen sal moegen/ wesen getuygen te leiden der wed(er)p(ar)tien getuygen/ te zien swee(re)n die te batte(re)n te replice(re)n te duplice(re)n also/ wail int principail alse int accesseur en(de) alle poenten/ van rechte d(air)toe te vorde(re)n die na recht d(air)toe behoiren/ moegen Ende voerts alle tghene (et)c(etera) p(ro)mitt(ens) rat(um) renu(n)c(ians) (et)c(etera)/ salvo iusto calculo Cor(am) moelen burg(imagistro) vync tybe/ scabinis oct(obris) xxi
Nagekeken door: Jos Jonckheer
Moderator: Jos Jonckheer
Laatste update:: 2018-04-04 door The Administrator