It(em) vander questien die es ende in rechte gehanghen heeft tuschen/ geldolve van wynde geheten vander lynden ter eenre en(de) janne van/ baussele ter ande(r) zijden om der bladinghen wille van eenen/ beemde met twee vivers gelegen te nederlinthe(r) bijde ned(er)ste/ moelen van myskem toebehoiren(de) h(ere)n philipse van scoenhoven/ ridde(r) welke bladinghe de voirs(creven) geldolf houdt hem toebehoiren(de)/ en(de) de vors(creven) jan meynd de contrarie sustine(re)nde eenyegelijc/ van hen te zijne inde possessie vander heffeninghen d(er) selv(er)/ bladinghen die de voirs(creven) jan meynd voer all beslicht te zijne/ en(de) de costen van dien Ende oic op de p(ro)p(ri)eteit costen ende lasten/ ten beiden zijden d(air)uut gesproten en(de) des dien aencleeft hebben/ hen de selve p(ar)tien verbonden en(de) gesubmitteert in deendrachtige/ uutsprake van meest(er) robb(er)te de lacu doctoire in beiden rechten/ janne vander borch scepen(en) meest(er) janne lobbe advocaet der/ stad van loeven ende janne blanckairt In alsulker vueghen/ dat de voirs(creven) segg(ere)n ov(er)nemen selen tghene des beiden p(ar)tien/ gelieven sal met gescrifte tuschen dit en(de) alreheilige(n)misse/ naistcomen(de) ende heure uutsprake dairaf doen bynnen xxv/ daghen dairna op dat zijs veraccorde(re)n En(de) oft zijs niet/ en veraccorde(re)n zo selen zij nemen eenen ov(er)man die der/ p(ar)tien bescheid ov(er)hebbende zijn uutsprake dairaff doen sal/ bynnen xiiii nachten dairnae promitten(tes) rat(um) d(i)c(t)o joh(ann)e/ renu(n)cian(tes) p(ri)vilegiis (et)c(etera) Cor(am) caverson tybe oct(obris) xxiiii