It(em) joffr(ouwe) katlijne van berseys weduwe meester jorijs wilen duret/ raid als hij leefde onss gened(ichs) h(ere)n tsh(er)togen van oestrijck van/ bourg(oign)[en] van brabant (et)c(etera) wettighe huysvrouwe joncker/ gielijs van hoeye wettich sone h(ere)n gielijs wilen van hoeye ridd(er)s/ welck meester jorijs der selver joff(rouwen) katlijnen zijnre werdi(n)nen/ in zijnen uut(er)sten wille met testamente maicte te wesen/ van allen zijnen goeden beruerlike en(de) omberuerlike boven/ zijn legate int vors(creven) testament v(er)cleert recht erfgenaem/ gelijc all dit int tselve testament vand(er) daet junii xiii/ lestled(en) dair notar(is) af was die eerb(er) meester jan winckel/ naird(er) staet begrepen in p(rese)ncien d(er) scepen(en) van loeven/ gestaen Heeft openbairlic ten bijsijne en(de) met (con)sente des/ vors(creven) jonck(er) gielijs heurs [mans] gekindt [en(de)] gelijt en(de) getransporteert/ voer hair hairen erven en(de) nacomelingen dat zij ov(er)gegeven/ en(de) getranspoirteert heeft en(de) met desen overgheeft ende/ transpoirteert in handen der gedeputeerde(n) en(de) gouvernuerd(er)s/ vander faculteit van arten inder vors(creven) stad van lov(en) tot name/ ende behoef ende in hulpen van eender dagelijcscher missen/ gedaen te worden inde clerck capelle ald(air) en(de) drie borssen/ voer drie arme(n) scholie(re)n geheten bursalen stude(re)nde inder/ selv(er) faculteit van arten d(air)aff int vors(creven) testament geruert/ es Alle trecht actie ende p(ro)p(ri)eteit die de vors(creven) joff(rouwe) katlijne/ uut saken vanden vors(creven) testamente en(de) and(er)ssins heeft oft hadde/ in alsulken tweelff l(i)b(ra) gr(oot) vleemsch(e) mu(n) vleems mu(n)ten alse/ ons voirs(creven) gened(ige) hee(re) na der ordinancien vander mu(n)ten/ in vlaende(re)n doet ontfaen erfliker renten vallen(de) jairlicx/ deen helicht opden yersten dach van laumaent en(de) dander/ helicht opden yersten dach van hoeymaent die de eerber/ meester philips wyelant licenciaet in loye en(de) raet des vors(creven)/ ons gened(ichs) h(ere)n op de stad van brugghe cochte en(de) creegh/ met zijnen gereden pe(n)ninghen int jair van lxxix op den/ viii[en] dach van wedemaent gelijc de brieve d(air)af besegelt/ ond(er) de zeghel van verbonde der vors(creven) stad van brugghe/ nairder uutwisen en(de) begripen welke tweelf l(i)b(ra) gr(oot) vleemsch/ erfrenten vorscr(even) de vors(creven) meester philips en(de) joffr(ouwe) jeha(n)ne/ va(n) halewijn zijn medegeselli(n)ne voirt get(ra)nsporteert en(de)/ ov(er)gegeven hebben den vors(creven) meest(er) jorijse duret als hij/ leefde also all dit in zeke(re) munimenten en(de) besegelten/ dairaff zijnde met den segele vand(er) came(re)n vanden raide/ in vlaend(ere)n vander daet xiiii[c] lxxix nove(m)br(is) den iersten/ dach nairder begrepen es Inde stat ende v(er)anderinghen/ van dien tachtentich rinsch(er) gulden(en) erfliker renten die de vors(creven)
//
wilen meester jorijs opt bosch van schoenvorst gehouden te/ leene van onsen voirs(creven) gened(igen) he(re) gelegen op merdal bij der/ vors(creven) stad van loeven gecreegh ende voirt gemaict hadde/ tot der distribucien der vors(creven) missen en(de) drie armer/ scholie(re)n Cor(am) caverson tybe novembr(is) xiii