It(em) margriete vanden zavelpoele docht(er) jans wilen vanden/ zavelpoele beck(er)s met consente en(de) weten jans van buetsele/ borg(er)meest(er)s te loven(en) in p(rese)nc(ia) heeft gekint en(de) gelijdt dat/ sij wel en(de) wettelic v(er)nuecht en(de) betaelt es bij pete(re)n/ arnde en(de) machtelden vanden zavelpoele hue(re)n brued(er) en(de)/ sust(er) van hae(re)n kinsgedeelte van alsulken haefliken goeden/ en(de) vlieghen(de) erve als der voirs(creven) m(ar)grieten verschenen ende/ bleven moegen sijn na de doot des voirs(creven) wilen jan(ne)n/ huers vad(er)s en(de) bekint dair gheen recht meer inne/ te hebben mits zeke(re)n pe(n)ningen die sij vande(n) voirs(creven)/ hue(re)n brued(ere)n en(de) sust(er) ontfaen heeft Schelden(de) mits/ dien d(air) af tot behoef der selv(er) hue(re)n brued(ere)n en(de) sust(er) volc(omelic)/ quijt geloven(de) hen d(air)af ne(m)mermeer aen te spreken/ te moeyen noch te vexe(re)n bij haer selve(n) oft yeman(de) and(er)s/ in e(n)nigen rechte gheestelic noch weerlic in e(n)nig(er) manie(re)n/ Cor(am) eisd(em)