Cont zij allen lieden dat jan vanden broeke metsere ter eend(er)/ en(de) jan de deckere inden name van gielijse de decke(re) sijnen sone/ t(er) and(er) zijden met malcande(re)n ov(er)comen sijn des h(ier) na volght/ dat sij geloeft hebben tacht(er)volghen(e) te weten(e) dat de voirs(creven)/ jan vande(n) broecke den voirs(creven) gielijse wel en(de) getrouwelic na/ sijne(n) v(er)moeghen lee(re)n sal dambacht van steenhouwen en(de) metsse(n)/ sonder hem d(aer) inne te sueken eene(n) t(er)mijn van bamesse lestlede(n)/ drie jaer due(re)nde bynne(n) welken tijde voirs(creven) jan vand(en) broecke/ den voirs(creven) gielijse sijne(n) montcost geven sal en(de) den selven/ houden van clee(re)n en(de) schoen ind(er) manie(re)n alsoe hij dien/ aenveert heeft ende alle sondaghe dierste jaer due(re)nde eene(n)/ halven stuv(er) tweeste jae(r) eene(n) lieliart en(de) tderde jair eene(n)/ stuv(er) met condicie(n) waer dat sake dat de voirs(creven) gielijs/ bynne(n) den voirs(creven) t(er)mijne den voirs(creven) ja(n)ne ontginge en(de) dat/ daer inne de selve gielijs culpabel wa(r)e en(de) men dat mett(er)/ waerheit bevonde dat dan de voirs(creven) jan de decke(re) gehoude(n)/ sal sijn den voirs(creven) ja(n)ne vande(n) broecke op te leggen(e) en(de) te betalen(e)/ acht rijns guld(en) te tsestich pl(a)c(ken) tstuc ende daer toe en/ soude de voirs(creven) gielijs nergens eld(er)s moegen wercken sond(er)/ consent des voirs(creven) jans cor(am) hoeven tants octobr(is) xxviii