Naedien h(er) jan van langrode priest(er) religieux des godshuys/ van vlierbeke met drie behoirliken genechten rasteme(n)te(n) gevolgt/ heeft op twee ende veertich rijns guld(en) die vrancke van/ mechelen den voirs(creven) godshuyse sculdich is bege(re)nde d(air) op/ recht en(de) vo(n)nisse om d(air)aen tot sijnd(er) betalinge(n) te comen/ in mind(er)nessen van tghene des voirs(creven) godshuys hem sculd(ich)/ es ende hij na voirgaen(de) vo(n)niss(en) bewesen heeft bij andr(ies)/ van voshem vorste(r) en(de) janne de jonge elc bij sijne(n) eede/ dat zij de voirs(creven) jonge ter tijt als hij vorst(er) was de/ voirs(creven) drie rasteme(n)ten behoirlijc hebben gedaen ende oic/ de conde in des godshuys herberghe en(de) oic bij behoirlike(n)/ eede verclaert dat hem tvoirs(creven) godshuys van twee v(er)schenen(en)/ t(er)mijne(n) sijnd(er) pensien sculdich is hond(er)t rijns guld(en) Es/ gewijst bijden he(re)n scepen(en) van loven(e) t(er) manisse(n) smeyers/ dat de voirs(creven) gerasteerde pe(n)ni(n)gen den voirs(creven) h(ere)n ja(n)ne volge(n)/ sullen tot sijnd(er) geverificeerd(er) scult behoef eisd(em)