Allen den ghenen die dese l(ette)ren zullen zien oft ho(r)en lesen ende/ besunder den eerwerdighen wijsen en(de) voirsienigen he(re)n de(n) hee(re)/ de cancell(ie)r en(de) ande(re)n he(re)n vanden edelen raide m(ijns) gened(ichs) he(re)n/ ts(er)toegen van oestrijke van bourg(oig)[ne(n)] en(de) van brabant inden/ selven zijnen lande van brabant geordineert onsen goede(n)/ he(re)n en(de) bezunde(re)n geminden vrienden burgermeeste(re)n scepen(en)/ en(de) raide der stat van loven(e) saluyt en(de) alle vrientscap/ doen cont en(de) te weten(e) dat opden dach datum van desen/ voir ons comen is de eerba(r)e meester peter boote licenciaet/ inden gheesteliken rechte en(de) heeft geconstitueert volcomen/ macht procuracie en(de) auctoriteit ghegheven he(re)n janne/ putmans en(de) hectoren pauwels prieste(re)n lodewijcke gobbelgiers/ wille(m)me van leefdale [en(de)] pete(re)n vanden p(er)licke en(de) elcken van he(n)/ besunder Om alle zijn saken questien en(de) gescillen die hij uutstaen(de)/ heeft [oft namaels uutstaende hebben sal mogen] tegen wat p(er)sonen dat dat zij in aenleggher oft verwerder/ stat zijn chijse renten erfpachten en(de) sculden [te manen en(de) tontfangen] te beleiden te bedinge(n)/ te v(er)volghen te wynnen te v(er)liesen voir alle gerichten gheestelic/ en(de) weerlijc mits foute van betalingen te panden te dagen/ rastementen te doen legghen die met rechte texequeren Te/ replice(re)n te duplice(re)n also wale int principael als int accessoir/ Ghetuygen te leiden d(er) wederp(ar)tien getuygen te sien zweren/ die te batteren also menich werven als des behoeven sal/ den sculders te quite(re)n en(de) volcomen quijtancie te gheve(n)/ En(de) al te doene dat hij selve soude moegen doen telker tijt/ oft hij tegenwordich ware Gheven(de) vort de voirs(creven) meest(er)/ peter boote uut crachte van eender vo(n)nissen en(de) procuracien/ hem gegeven voir notaris en(de) getuygen bij pete(re)n en(de) adriane/ boote gebruede(re)n zijnen natuerliken zonen gelijc dinstrument/ d(air) af zijnde vander daet xiiii[c] lxxviii maii xxiiii d(er) notar(is)/ over was adriaen petri dat innehult te moegen substitue(re)n/ eenen oft meer p(er)sonen den voirs(creven) procur(eur)s en(de) elken van he(n)/ besunder volcomen macht en(de) auctoriteit alle en(de) yegewelke/ saken questien en(de) gescillen die zij uutstaen(de) hebben oft namaels/ hebben zullen moeghen in aenleggers oft v(er)werders stat tegen/ wat p(er)sonen dat dat zij te v(er)volghen te beleiden te bedinghen
//
hue(re) chijse renten erfpachten en(de) sculden te manen teysschen/ opte boren en(de) tontfangen dair voir te panden te daghen/ rastementen te doen leggen en(de) die voir alle gerichten/ te v(er)volghen in alle d(er) manie(re)n als boven quitancie te/ gheven te replice(re)n te duyplise(re)n getuygen te leiden/ en(de) al te doene dat die vors(creven) meester peter selve in/ p(er)sone soude mogen doen Behalven wes deen van/ hen in des vors(creven) is gedaen oft begonnen sal worden/ dat dand(er) van hen sal moghen voleynden Gheloven(de)/ de voirs(creven) h(er) [meest(er)] peter tot desen renu(n)cie(re)nde de vrijdich(eit)/ en(de) pe(n)ni(n)gen vand(er) eerwerdigher universiteit van lov(en)/ goet vast gestentich en(de) van weerden onverbrekelijc te houden/ allet tghene des bijden vors(creven) procur(eur)s en(de) substituyte gedaen/ sal worden in e(n)nigher manie(re)n Behalven dat zij/ gehouden sullen zijn ter manessen des voirs(creven) meest(er)/ peters goede wettighe rekeninghe betalinge (et) reliqua/ te doene des ter kynnessen hebben wij burgermeest(ere)n/ scepen(en) en(de) raide d(er) stat van loven(e) vors(creven) den seghel/ ten saken d(er) selver stat h(ier) aen doen hangen cor(am)/ buetsele lyefkenrode tybe no(vembris) xxvi