Item adrianus ruelens woenen(de) te leefdale sone wilen peters in/ p(rese)ncia heeft genomen en(de) bekint genomen te hebben tegen/ merten vander heyden rentmeester des edelen he(re)n he(re)n/ jans van merode hee(re) te petershem tschairhout van alsulken/ bossche geheten den werberch toebehoe(re)nde den vors(creven) he(re)n/ van merode gelegen inde prochie van leefdale eenen/ termijn van neghen ja(r)en die inneghinc te bamesse/ anno lxxxi elcx jairs om en(de) voir van elcken boender/ also v(er)re die mate metten lantmete(r) strecken sal vijfthien/ ryns guld(en) en(de) eene(n) halven te xx stuvers tstuc den s(chelling) te iii pl(a)c(ken)/ te betalen te bamesse den voirs(creven) rentmeester den vors(creven) t(er)mijn/ due(re)nde quolibet ass(ecutu)[m] Item is vorweerde dat de vors(creven) adriaen/ jairlix tvors(creven) schairhout ten behoirlike sasuyne en(de) tijde afhouden/ sal en(de) the uutgancx meye tvors(creven) bosch dair af ruymen/ sond(er) e(n)nighe opgaende hout te houwen en(de) al na uutwisen/ vanden chyrografrie dat elc vand(en) vors(creven) p(ar)tien d(air) af/ te henwert hebben En(de) dese vors(creven) vorwerden (et)c(etera) cor(am) boxho(r)en/ roelants dec(embris) ii