It(em) de voirs(creven) albeert sal hem t(er) stont doen leyden/ tot allen den goeden have en(de) erve des voirs(creven) geerts/ soe waer die gelegen sijn om d(air) mede betalinge/ te gecrijgen van xx mudden rogs en(de) thien mudden/ t(er)wen alst hem gelieft en(de) om tremana(n)t vanden/ selve(n) greyne te gecrijge(n) t(er) stont soe wa(n)neer de voirs(creven)/ abeert bevi(n)den sal dat de voirs(creven) gheert e(n)nighe/ van sijne(n) goeden het zij have oft erve sond(er) (con)sent/ desselfs abeerts vercochte oft in e(n)nig(er) manie(re)n/ ontvremde ende oft de voirs(creven) geert dat niet/ en dede soe es de meyni(n)ge dat de voirs(creven) abeert/ hem vande(n) voirs(creven) surplusse niet prame(n) en sal/ in vi oft vii maenden naestc(omende) het en wa(r)e dat/ gheert aflivich wordde niet tegenstaen(de) dat den/ voirs(creven) brief sprect tsijnre manessen en(de) te dier/ meyni(n)ge(n) sal den selve(n) brief mette(n) beleide alhier blive(n)/ liggen(de) eisd(em)