It(em) jorijs van broechoven sone wilen jans op dese tijt vorst(er)/ tot langdorp heeft geloeft gheerde van heerle twee pont/ grot(en) vleemsch uut saken van acht(er)stelliger renten vand(en) jae(re)n/ lxxx en(de) lxxxi verschenen van dien pont grot(en) vleemsch erfelic/ daer inne de voirs(creven) jorijs aen anthonijse de villa met/ scepen(en) brieve(n) van loven(e) vand(er) daet xiiii[c] lxxviii febr(uarii)/ xvii gehouden es Daer af de voirs(creven) gheert des voirs(creven) antho(nijse)/ procur(eur) es Te weten(e) deen helicht d(aer)af tons(er) liev(er) vrouwen/ lichtmesse naestcomen(de) en(de) dander helicht te paesschen daer na/ te betalen als v(er)reycte schout Heeft voirt geloeft de voirs(creven)/ jorijs in eedt stat dat hij bynne(n) middelen tijde voirs(creven) hem/ sijnd(er) goede niet quijt doen en sal v(er)coepen nocht v(er)setten/ ende dat hij tusschen dit en(de) sint jansmesse naestcomen(de)/ den voirs(creven) anthonijse oft gheerde in sijne(n) name de voirs(creven)/ rente tsijne(n) coste op goede loflike ond(er)pande v(er)panden sall/ met sijnen sone daer voe(r) goet genoech sijnde Et t(antu)m It(em)/ heeft voirt de voirs(creven) jorijs ov(er)gegeven niet tegenstaen(de) der/ geloften voirs(creven) dat de voirs(creven) gheert hem metten voirs(creven)/ erfbrieve altijt alst hem gelieft sal moegen behulpen/ nader stad recht om dinhout van dien voldaen te hebben/ cor(am) absoloens tybe ja(nua)[rii] xiii