Alsoe als [te(n)] vervolghe jans van borre alse procur(eur) vanden/ vier cleyne heyligeeste bynne(n) der stad van loven(e) ende/ dierix van langrode die met scepen(en) brieve(n) van/ loven(e) jaerlicx hebbe(n) viventwintich rijns guld(en) erfelike/ rente(n) aen en(de) op de goede h(ier) nae bescreve(n) joffr(ouwe) elsen/ pynnocx willems en(de) hubrechts hue(re)n sonen gescreve(n)/ es geweest den meye(r) van cumptich oft sijne(n) stedehoude(r)/ hen de selve goede voer gebreck der voirs(creven) renten te/ leve(re)n en(de) te doen volghen Ende oft de voirs(creven) jouffr(ouwe)/ else hue(r) sonen de wynne oft yemant and(er)s tegen de/ voirs(creven) scepen(en) brieve(n) yet seggen oft allege(re)n wilden dat/ sij op heden als ten naesten v(er)streken(e) daghe alhier/ quame(n) voer meye(r) en(de) scepen(en) int recht ghelijc de/ versuecbrieve dat voird(er) inhielden Ald(air) de voirs(creven)/ joffr(ouwe) else hue(r) sone(n) noch nyema(n)t van hue(re)n wegen/ comen en sijn ende de voirs(creven) procur(eur) en(de) dierick/ te rechte comen sijn trecht voirt v(er)sueken(de) doende/ oic blijcken c(er)tificacie van tyboute steenweeghs bode/ der stad van loven(e) dat dexecucie navolgen(de) den/ voirs(creven) versuecbrieve(n) geschiet was en(de) p(ar)tijen dach/ bescheyden Soe hebben de scepen(en) van loven(e) ter/ manessen smeyers gewijst voer een vo(n)nesse soe v(er)re/ der voirs(creven) p(ro)cur(eur)s en(de) dierix wed(er)p(ar)tije niet en quame(n)
//
ten opstane smeyers en(de) van hen scepen(en) datmen hen/ dan vande(n) voirs(creven) goeden houden sal in huer(er) leveri(n)gen/ tot hue(re)n wettigen gebreke behoef alsoe v(er)re alst noch/ voer hen scepen(en) comen es cor(am) eisd(em)/ H(ier) na volge(n) de goede d(air)voe(r) af mencie gemaict es ierst op huys en(de) hoff met den woeni(n)gen hoven bog(ar)de/ en(de) allen sijne(n) toebehoirte(n) geheete(n) thoff te daelhem alsoet/ gelegen es inde prochie van vissenaken tusschen de velpe/ ald(air) o(m)megaens loepende/ It(em) op eene(n) vive(r) houden(de) een boend(er) alsoe hij gelegen es/ acht(er) de woeni(n)ge voirs(creven)/ It(em) op iii(½) boend(er) beempts gelege(n) in eene(n) stucke neve(n) de/ voirs(creven) velpe aen deen en(de) de gemeyn eeusselen van/ daelhem aen dande(r) zijden en(de) naest der moelen te/ streke aende derde zijden/ It(em) op iii boend(er) beempts gelegen in eene(n) stucke ov(er) de velpe/ aen deene en(de) de gemeynstrate gaende van daelhem te/ streke weert en(de) naest den goeden anthonijs van bleesbeke/ It(em) op een stuc beems houden(de) iii(½) dach(mael) gelege(n) acht(er) de/ voirs(creven) woeni(n)ge van daelhem tuschen de goede willems/ van daelhem aen vier zijden/ It(em) iii boend(er) lants gelegen voer tdaelhem velt tussche(n)/ de strate gaen(de) van daelhem te streke weert en(de) de nuwestrate/ It(em) op vi boend(er) lants gelegen opt strekervelt tusschen de/ voirs(creven) strate en(de) de goede gielijs van raetshoven en(de)/ naest den goeden wout(er)s le(m)mens