It(em) mychiel vanden veken(e) sone wilen jans raymake(re) woenen(de)/ te loeven(e) bijde vischmerct in p(rese)nc(ia) heeft gekint en(de) gelijdt dat/ jan de colve(re) en(de) goird ernarts hem volcomelijc ende met/ gereede(n) pe(n)ningen afgequete(n) hebben met vollen pachte acht/ molevate(n) corens te weten(e) de voirs(creven) jan vijf mol(evaten) ende/ goerd drie mol(evaten) erfs pachts alle ja(r)e sint andriesmesse/ ap(oste)ls vallen(de) staen(de) t(er) quetingen [van] xviii mol(evaten) corens erfspachts/ d(aer) af de thien mol(evaten) ov(er) lang afgequete(n) sijn die hij hadde/ en(de) houden(de) was aen en(de) op de goede hier nae bescreve(n)/ te weten(e) ierst op een half boend(er) lants gelegen inde p(ro)chie/ van s(in)t aechten rode opde gheyse tussche(n) den bosch van tsh(er)togen/ dale op deen zijde en(de) de goede henricx kerreman op dande(r)/ It(em) op een half boend(er) lants gelegen opden brocteele daer de/ vloetgrecht doe(r) gaet tusschen de goede willems coesman/ op deen zijde en(de) de goede jans maes op dande(r) It(em)/ op (½) boend(er) lants gelege(n) opt selve velt tussche(n) de goede/ maes grootheyns op deen zijde en(de) de goede der erfgename(n)/ jans wilen grootheyns op dande(r) It(em) op een dach(mael) lants/ gelegen opt selve velt aen roderbosch tussche(n) de goede/ der voirs(creven) erfg(enamen) grootheyns op beyde zijden gelijc de/ voirs(creven) goede voirtijden bij ja(n)ne goederthoys opden voirs(creven)/ erfpacht den voirs(creven) wilen ja(n)ne grootheyns uutgegeven/ sijn ende de voirs(creven) jan de colve(re) goird ernarts en(de)/ jan gielarts houden(de) sijn van welken acht mol(evaten) de goede(n)/ desselfs jans gielarts die hij als tochte(r) besidt deen mol(evate)/ sculd(ich) sijn dwelc de voirs(creven) jan de colve(re) afgeleet heeft/ Bekennen(de) hem de voirs(creven) mychiel volcomelijc genoech/ gedaen sijnde p(ro)mitten(s) null(a)t(en)us alloqui sed war(andizare) en(de)/ voird(er) vestich(eit) te doene ad mo(nitionem) si quid (et)c(etera) p(ro)ut cor(am)/ abs(oloens) roelants febr(uarii) iii