It(em) navolgen(de) den vo(n)nisse staen(de) geregistreert januarii pe(nulti)[ma]/ lestleden gewesen voir katlinen weduwe robeerts wilen/ huygen mits faute van betalingen van vii mudde(n) corens/ gevallen tsint andriesmesse lestleden en(de) iiii(½) mudden van/ acht(er)stelle op hue(r) drie rastementen v(er)volght met rechte op/ alsulken xi(½) mudden corens die pet(er) vaes de jonge ende/ jan vanden vere pechteneers des godshuys van vlierbeke/ sculdich sijn daer aen huer de voirs(creven) pet(er) en(de) jan swarich(eit)/ maecten want zij met eend(er) betalinge(n) gestaen wouden/ was get(er)mineert dat de voirs(creven) katline hue(r) recht ter/ execucie(n) stellen soude behalve(n) waert sake dat dabt/ oft godshuys van vlierbeke den voirs(creven) pet(ere)n en(de) ja(n)ne d(aer)/ voe(r) pramen woude dat de voirs(creven) katline hen met hae(re)n/ brieve(n) en(de) vo(n)nesse te baten comen sal en(de) ind(en) gevalle/ oft zij met rechte die wed(er)o(m)me den voirs(creven) godshuyse betale(n)/ moesten dat de selve katline hen die wed(er) restitue(re)n/ sal cor(am) buetsele burg(imagistro) abs(oloens) tybe scab(inis) neth(enen) hoel(air) hoeve/ et plu(r)ib(us) aliis de consilio febr(uarii) v