Nae dien jan vanden ynde met drie behoirlike(n) rastame(n)ten/ gevolght heeft op zeke(re) pe(n)ningen die h(er) jan vleminck ende/ h(er) steven van malevien sculdich sijn henrion varlet en(de)/ bij voirgaen(de) vo(n)niss(en) met andriese van voshem vorste(r) bewesen/ heeft die drie rastame(n)ten geschiet te sijne en(de) gecleert bij/ eede dat hij hem dueghdelijc sculdich es xvii siste(re)n corens/ en(de) xiii stuv(er)s sond(er) cost en(de) co(m)me(r) ende voirts begheert/ tvo(n)nisse gemaent te hebben(e) want hij den voirs(creven) henrion/ nerge(re)ns en wiste de conde te doen(e) gem(er)ct dat hij es/ voirvluchtich en(de) uuten lande Es gewijst bij vo(n)nisse der/ scepen(en) van loven(e) ter maniss(en) smeyers dat hij zijne voirs(creven)/ geverificeerde schult aen de voirs(creven) gerasteerde pe(n)ni(n)gen v(er)halen/ sal met coste en(de) co(m)me(r) bij alsoe oft daer yet ov(er)t dat/ hijt wederke(r)en sal en(de) oft d(aer) gebrect dat hij voirtvare(n) sal/ met rechte cor(am) o(mn)ib(us) scab(inis) dempto abs(oloens) m(ar)cii p(ri)ma