It(em) es den voirs(creven) brief den voirs(creven) gehuyssche(n) bekint te dier/ meyni(n)gen dat sij oft deen van hen daer mede sullen/ doen leyden alst hen gelieft tot allen den goeden have/ en(de) erve en(de) sculden der voirs(creven) katlinen soe waer die/ inde(n) lande van brabant en(de) van ludick oft elswair gelege(n)/ oft bevonden sullen sijn hoe die genoempt mogen wesen/ om die t(er) stont na haer doot taenveerde(n) te hantplichte(n)/ en(de) hue(re)n uut(er)sten wille en(de) testament dat sij op heden/ gemaect heeft d(aer) mede te volbringhen en(de) vand(en) ov(er)bate(n)/ hue(re)n vrijen wille d(aer) mede doen sond(er) yemants wed(er)segge(n)/ verclaren(de) daer sij in ha(r)en dootbedde lach dat haer/ hennen vanden berghe woenen(de) int hoff toebehoiren(de)/[vacat] gelegen te [vacat] sculdich/ was een mudde corens en(de) jan van bollaer ketelbuett(er)/ twee rijns guld(en) van geleende gelde eens cor(am) eisd(em)