It(em) jan keghel sone gielijs wilen kegel woenen(de) te lyere/ in p(rese)nc(ia) heeft [gekint] en(de) gelijdt openbairlijc lijsbetten kegels/ sijnd(er) suster en(de) docht(er) des voirs(creven) wilen gielijs die/ hij hadde van katlinen wilen vanden hogenhuys sijnder/ huysvrouwe(n) in haer deylinge gevallen sijnde huys en(de)/ hoff met wynnen(de) landen bosschen en(de) ande(re)n sijne(n) toebehoirte(n)/ geheete(n) tgoet ten oeve(re) houden(de) omtrint x(½) boend(er) luttel/ myn oft meer gelijc dat gelegen es sint(er) claes putte/ tussche(n) she(re)n strate ald(air) in deen zijde de goede florijs/ colebrant in dande(re) en(de) de goede wout(er)s keghels/ inde derde zijden welke goede den voirs(creven) kinde(re)n bleven/ sijn na en(de) vand(er) doot des voirs(creven) wilen gielijs en(de) gelijc/ hij die ald(air) te houden plach bekennen(de) hem de voirs(creven)/ jan gheen recht d(air)inne meer te hebben en(de) wettelijc/ d(air)op verthijden(de) en(de) renu(n)cie(re)nde tot behoef der voirs(creven)/ lijsbetten sijnder suster p(ro)mitten(s) Et war(andizare) p(ro)ut cor(am)/ absoloens boxho(r)en oct(obris) xxi