Item navolgende der submissien gepasseert tusschen janne van/ ghinderboven al(ia)s cools als geleyt totten goeden willems/ wilen sijns vad(er)s t(er) eend(er) ende janne de keersmake(re) en(de)/ sijnen medeplege(re)n t(er) and(er) zijde(n) staen(de) ond(er) ons geregistreert/ julii xxii lestleden hebben de seggers ind(er) sel(ve)n submissien/ genoempt hue(re) eendrechtighe uutsprake vander saken/ daer af de submissie mencie maect gedaen in tijden/ en(de) wijlen die begrijpt inder manie(re)n hier na volgend/ Te weten(e) dat de voirs(creven) jan de keersmake(re) en(de) sijn/ medepleg(er)s den voirs(creven) ja(n)ne vanghind(er)boven betale(n) sulle(n)/ hondert croene(n) daer sijn voirs(creven) beleyt af mencie/ maect te achtentwintich stuv(er)s tstuc te iii pl(a)c(ken) den stuv(er)/ Te weten(e) c croene(n) te xxiiii stuv(er)s tstuc t(er) stont ende/ tsurplus bynne(n) sesse weken naestcomen(de) en(de) tot dien/ alsdan twee mudden corens loeven(sch) eens voer sijn/ ploech recht dat hij opde goede mach hebben gedaen/ voirt es hen uutsprake dat den selve(n) ja(n)ne tot/ des voirs(creven) es volgen sullen met sijnen voirs(creven) beleide/ alle sculden diemen den voirs(creven) willem(me) sijnen vader/ sculdich is bleven sond(er) d(aer) af [oft] oic van e(n)nigen haeflike(n)/ goede(n) sculde(n) en(de) pe(n)ningen sijns vad(er)s [die hij gehave(n) mach hebbe(n) en(de)] d(aer) hij af bewint/ gehadt heeft e(n)nige rekeni(n)ghe oft restitucie te doene/ sijnd(er) voirs(creven) wed(er)p(ar)tijen Ende ter and(er) zijden es huer/ uutsprake dat den voirs(creven) janne de kersmake(re) ende/ sijnen medeplege(re)n van nu voirtaen volgen sullen/ erfelic tot eeuwighen daghen alle derfelike goede/ des voirs(creven) wilen willems metten vruchten daer/ op staen(de) dit jaer d(aer) op gewassen sijnde sonder/ dat de voirs(creven) jan daer inne e(n)nich recht hebben/ sal ende oft e(n)nige donckernesse tusschen p(ar)tijen/ in desen gheviele daer af behouden de voirs(creven)/ seggers huer v(er)clee(re)n cor(am) hoeven tants augusti xii