It(em) den vors(creven) brief es bekindt te dier meyninghen en(de) op de condicien/ na bescr(even) Te weten want de voirs(creven) h(er)robbeert en(de) robbeert zijn sone/ raese van graven besetten ende v(er)onderpanden sullen op heure goede/ te kerckem en(de) dair omtrint gelegen met der voirs(creven) katlijnen/ peters erflic dairaff de voirs(creven) h(er)robbeert deen helicht zijn leef/ daghe en(de) katlijne en(de) lijsbeth heur zuster dander helicht en(de) nae/ desselfs h(ere)n robb(eer)ts doot de voirs(creven) gesust(ere)n dien e(n)nighe vanden/ goeden die verobligeert sullen werden succede(re)n sullen sculdich zijn/ te draghen In gevalle zo verre de voirs(creven) h(er)robb(eer)t oft robb(eer)t/ bynnen den leven(en) desselfs h(ere)n robb(eer)ts voer deen helicht der vors(creven)/ renten oft na de doot des voirs(creven) h(ere)n robbeerts voe(r) de geheel rente/ aen hue(r) goeden e(n)nichssins wordden belast dat zij heure goed(en)/ met des(er) costeloes sullen oft sall moegen ontslaen en(de) alle costen/ schaden en(de) lasten zij wae(re)n van rechte oft ande(re) op der vors(creven) ka(tlij)[nen]/ en(de) heure goede verhalen Geloven(de) voirt de voirs(creven) katlijne dat/ zij ter manissen des voirs(creven) robb(eer)ts den selven robb(eer)te voer hoff en(de)/ hee(re) oft voer meye(r) en(de) scepen(en) van loeven dair hem gelieft goeden/ en(de) vestighen sal in hue(r) goeden voe(r) de voirs(creven) lossinghe goetgenoech/ zijnde en(de) dat ten coste der selver katlijnen t(am)q(uam) ass(ecutu)[m] Cor(m) eisdem