SAL7770, Act: R°109.2 (221 of 897)
Search Act
previous | next
Act R°109.2  
Act
Date: 1483-10-02

Transcription

2021-11-10 by Transkribus Software
Vander questien die geweest es voe(r) den raide vander/
stad tusschen janne pynnoc natuerlic t(er) eenre ende/
cornelijse en(de) roelove geheete(n) roelofs gebruede(re)n ter/
ande(r) zijden om der valuacien vanden pe(n)ni(n)gen vand(er)/
helicht van alsulken hond(er)t en(de) xx rijns guld(en) va(n) goude/
jairlik(er) lijfpen(sien) staen(de) ten live der voirs(creven) gebruede(re)n daer/
inne h(er) jacop caillot hee(r) van chantrain als p(ri)ncipael/
en(de) de voirs(creven) joh(ann)es pynnock met meer ande(re)n als borghen/
met scepen(en) brieve(n) van loven(e) v(er)bonden staen de welke/
de voirs(creven) jan pynnock nu begheerde af te leggen(e) ende/
d(air)af hij dande(r) helicht voirtijden afgequeten hadde/
gelijc dat bleec bij zeke(re)n scepen(en) brieve(n) die de/
voirs(creven) joh(ann)es d(aer)af exhibeerde Wert geappointeert/
en(de) uutgesproken den selve(n) p(ar)tijen nae dat sij hen/
des in wederzijden gesubmitteert en(de) v(er)bonde(n) hadden/
inden selven raide dat de voirs(creven) joha(n)nes pynnock/
voer elken der selv(er) gulden(en) int afleggen betalen en(de)/
geven soude xxvii stuv(er)s te drie pl(a)c(ken) tstuc en(de) dair/
mede gestaen in (con)silio oct(obris) s(e)c(un)da
ContributorsMi-Je Van Gils
Moderated byMi-Je Van Gils
Last update: 2018-06-13 by The Administrator